os mentirosos compulsivos visitan ó psicólogo

reflexión de voto en alto

2011-04-28T13:11:00.000+02:00

reflexión: acción de reflexionar e resultado desta acción/ meditación/ consideración, deliberación/ cambio de dirección que experimenta unha onda sonora, luminosa, etc., ó chocar contra unha superficie reflectora

abstención: acción e efecto de absterse, particularmente, nunha votación, renuncia ó dereito de voto (hai que diferenciala da abstinencia: privación voluntaria de satisface-los apetitos e, en particular, privación de comer carne por motivos relixiosos)

en épocas de eleccións nos continuos debates televisivos e radiofónicos os-as avispados-avispadas periodistas insisten en preguntarlle á casta política se confía na intelixencia dos votantes.... trátase dunha pregunta complicada porque resulta difícil contestar con sinceridade sen ver as estadísticas afectadas: como se pode chamarlle "burros" ós votantes e esperar non sair apaleado? así que: toca mentir.
pola miña parte, e como non teño previsto presentarme a unhas eleccións nas próximas 6 ou 7 décadas (despois, "diosdirá"), a resposta sería un NON ben grande. e non dubido de que os votantes sexamos máis ou menos intelixentes: do que dubido é de que á hora de votar se poña en práctica o intelecto. mostra desta "falta" son, por exemplo, a eternidade de Fraga na Xunta de Galicia ou a súa permanencia tras catástrofes coma a do Prestige

dende o meu pouco coñecemento do mundo político e dende o meu grande descoñecemento da psicoloxía allea, penso que a metade da poboación vive a política coma se de futbol se tratara e a outra metade prefire "reflexionar" máis cara o beneficio propio e inmediato que cara o compartido e a medio-longo prazo...

os da primeira metade xa están vendidos: son dun equipo (ou din ser dun equipo) e dalles igual que xoguen limpo ou que anden a patadas, que marquen goles con xogo de equipo ou anden a provocar penalti, que sean os mellores ou que non den pé con bóla... para eles as cores da súa camiseta son únicas e sen igual, independentemente de quen a vista no seu concello ou en Madrid, independentemente de que o fagan ben ou mal... a súa capacidade crítica veuse anulada dende o momento no que entraron ó campo e lles colgaron a bufanda e o tapaollos e os arrolaron co himno de fondo... dende que a paixón se converteu en fanatismo xa non ven máis opción que unha

os da segunda metade, están desexando venderse: este grupo xa é máis heteroxeneo, porque os hai que se conforman con que lles arranxen aqueles papeis, os que queren un piso, os que aspiran a un posto de traballo prometido, unha axuda por seis meses,...

pero os votantes só temos parte da culpa, porque os políticos acostuman a non cumprir co papel que lles foi asignado nas papeletas....
agora para traballar limpando rúas pídenche dúas licenciaturas e tres idiomas (e lembremos que o galego non conta como idioma); para traballar daquilo do que estudiaches, catro idiomas e cinco anos de experiencia... sen embargo, para presentarte a "alcalde" abonda con... que che piden para ser alcaldable?

supoño que son cousas diso da "democracia"... todos temos dereito a elexir e ser elexidas e elexidos (pero só ó referirnos á política, o do mundo laboral deixámolo mellor para outro día). pois vendo as candidaturas de Teo para as eleccións municipais , pouco lle hai que agradecer á democracia...

as opcións de voto no noso concello están limitadas á mínima expresión:
-está a abstención: sempre pensei que só será realmente útil cando se absteña unha porcentaxe altísima da poboación (algo así coma un 90%)... realmente que un 40% da poboación non vaia a votar xa debería ser significativo, pero o día dos recontos os políticos só teñen cabeza para pensar como elaborar un discurso no que quede claro que, tamén desta vez, eles foron os gañadores, así que non teñen tempo para pensar nos que non foron a votar. eu votei en tódalas eleccións dende que teño dereito a facelo; visto o acontecido nas últimas municipais, non sempre elexín a mellor opción... coma non votei sempre "ós mesmos" e "porquesí" (nen teño pensado facelo)... pero fun votar sempre por iso de que é o meu dereito, por iso de que ás xeracións anteriores lles costou telo como dereito, por iso de poder elexir, e sobre todo, co que me gusta protestar, por iso de poder protestar a gusto polo que considero que "os elexidos" fan mal... sen embargo, os continuos disgustos que nos dan os políticos e os seus traxes, as súas contas correntes e a súa inmunidade, fan que unha pense en que a anarquía é a mellor opción (mágoa que requira dunha poboación educada en valores)
-está a abstención activa (voto en branco / voto nulo): detrás das diferentes perspectivas sobre a quen beneficia e a quen perxudican estes votos, está o seu significado real (porque alguén con dous dedos de fronte non pode negar que o feito de que unha persoa se erga un domingo e gaste parte do seu tempo en dirixirse a un colexio electoral e cumprir co ritual do voto para non votar por ninguén ten un significado)... pero ó fin os significados son os que menos contan para os políticos nun día de eleccións...

-e finalmente está a posibilidade de acudir a votar e elexir a un dos partidos que se presentan; de optar por esta posibilidade, nun mundo "aquelado" habería opcións abondo coma para darlle cabida á dúbida. en Teo non.

en Teo temos ó PP (que está en todas partes). nada máis lonxe das miñas intencións que votalos. que a súa política habitual non sexa do meu agrado (privatizar todo o que teña vida... ou non, non condenar o franquismo, non respeta-los dereitos de certos colectivos dos que tantos exemplares teñen nas súas filas, satanizar outros dereitos para os que eles teñen visado privado, preferir a guerra á paz -e que pasemos de Armando a Guerra non ten nada que ver con isto-...) é motivo suficiente para non votalos, pero ademais, abonda con ver o seu cartel para entender que o máis parecido a un candidato que hai en Teo, é o actual presidente da Xunta, e ese xa está moi ocupado

temos a Parajó. aquí non merece a pena falar de partido, porque o das siglas é o que menos lle importa... el poderíase presentar baixo siglas falanxistas ou baixo siglas comunistas se nalgunha das dúas opcións o aceptasen... el, con tal de estar... e a poder ser, en urbanismo... así que, sobre a ideoloxía desta opción pouco se pode discutir....

temos ó Bng. levan 4 anos gobernados, e máis que dicir que non contaron coa axuda do resto dos partidos para manexar remos e timón, pódese dicir que o resto dos partidos contribuiron a que tiveran que remar contra vento e marea... a comparativa cos gobernos da última década (e máis) pódeos beneficiar (a ringleira de cambios dá para outra entrada de blogue) e perxudicar ó mesmo tempo (facelo mellor que os anteriores non era naaaada difícil). o seu mérito radica, principalmente, en ter a posibilidade de cambiar as cousas, e facelo (non todos poden presumir do mesmo). xunto co partido socialista, e como membros dunha corporación municipal, son dos únicos que podo falar referíndome a algunha experiencia persoal: cando tiven que facer algunha crítica, a resposta que recibín tendía ó constructivismo e non ó insulto

e finalmente, en Teo, temos ó Psoe (tamén en todas partes). a presencia dun personaxe coma Jano Leis nun partido que se supón de esquerdas, as actuacións de Jano Leis como representante político supostamente de esquerdas durante estes catro anos, e o feito de que dende o partido lle sigan permitindo estar aí cando en conversacións privadas os mesmos "compañeiros" da comarca o "poñen a parir" -dios non o queira- (e ollo, non creo en que dentro dos partidos un cerebro máis ou menos desenrolado teña que impoñer todo o que se fai ou deixa de facer dentro do partido, nen quen se vai e quen se queda, pero considero que os partidos deberían ter uns valores mínimos sen o cumprimento dos cales os membros dos partidos non deberían ter un sitio na súa representación política), o dito, todas estas circunstancias son o máis grave que lle aconteceu á política de Teo nestes catro anos. porque hai determinadas accións que unha pode agardar dun partido de dereitas; porque hai determinadas accións que unha pode agardar dun neno de cinco anos; pero as previsións de actos irreflexivos rematan aí.

a incoherencia fíxose humana: declarados antimonárquicos reclamando a presencia do rei no pleno municipal; críticas destructivas cara a xente que fala de política nos bares (coma se houbera temas que tiveran que ser vetados á plebe -que ó fin son os únicos que aparecen polos bares-) mentras eles botan man de "xentes de bares" -e tamén da linguaxe dos bares- para organizar a súa defensa blogueira; solicitan neutralidade nos actos e ditos alleos, cando o único uso que eles fan da neutralidade é o do ph do champú; adícanse a insultar e a facer graves acusacións -coma a de terrorismo- mentras acuden a xuízos pagados con cartos públicos para defende-la propia honra... cando a honra só hai un xeito de defendela....

nun dos últimos plenos desta lexislatura este partido describeuse ó cen por cen cando acusou ó partido que goberna de facelo baseándose nunha "política nacionalista". coma eles, levando o nome "socialista" nas súas siglas non fan unha política socialista consideran que os que levan o termo "nacionalista" tampouco teñen que facer política nacionalista... e nas súas intencións demagóxicas apuran contradiccións no grupo de goberno -non había tema mellor do que falar- ó respecto... que se un afirma que sí, que fan política nacionalista (normal: é o que dixeron que ían facer) e outro o nega completamente (tamén é unha reacción normal... vindo de quen ven a pregunta: o único lóxico é que cando Jano Leis argumenta que o Bng "fai política nacionalista" como crítica é pensar ben que está bébedo, ben que se refire a que a política do Bng vai dirixida só ós afíns ó Bng.... a primeira opción deixámoslla a Armando, e a segunda só pode obter como resposta unha negativa....). o que nos deixou claro este home é que realmente pensa que quen está no goberno ten que estar aí para facerlle favores ós amigos, co cal queda claro tamén que é o que faría el se chegara a estar no sitio....

o que non se lle pode negar a este señor é o gran traballo de investigación que ten feito nalgunhas ocasións... noutro pleno doulle por mostrar dun deses traballos, baseado nas amizades do facebook: de onde a vida privada dalgunha xente vale máis que a vida privada de outra xente.... aquí refléxase por que están cobrando unha dedicación exclusiva: as decisións plenarias do Concello de Teo están basadas no Facebook... agora o cabeza de lista do Psoe de Teo adica a metade do seu "tempo libre" á investigación nas redes sociais, e como non atopa verdades que lle sirvan para levar a pleno, "invéntalle amigos" ós demais; a outra metade do seu "tempo libre" adícaa a enviarlle invitacións de facebook a antigos alumnos seus... está moi ben que pretenda rodearse de votantes potenciais en épocas de eleccións -para algo se meteu en política, e para face-lo ben polo pobo xa sabemos que non é, así que sería para coñecer xente-, pero, que foi diso que chaman "protección de datos" ó que tanto aludiron noutras ocasións???

a Jano Leis pásanlle dúas cousas: a primeira é que, de tanto traballar con adolescentes, as súas preocupacións quedaron reducidas ás preocupacións das mentes adolescentes, que son importantes polo que representan para quen as padece, pero navegan na esaxeración e no egocentrismo, no "nadie puede entender lo desgraciado que soy porque nadie sufre lo que yo", nunha xerarquización de valores ás veces falta de criterios coherentes coa vida que eles mesmos levan.... todos fumos adolescentes, e sabemos que, na maioría dos casos, ten cura....

a segunda cousa que lle acontece é a envexa, que non o deixa durmir (e se nos se durme, non se rinde). hai catro anos, creu que ía gañar as eleccións: pero as crenzas son persoais e poden non ter nada que ver coa realidade. negouse a gobernar xunto co Bng porque el non pode estar por debaixo de ninguén nun grupo de traballo (saberá o que significa "grupo de traballo"?), ten que ser o que mande, ou non ser. adicou catro anos da súa vida a desprestixar cada movemento do grupo de goberno sen ningún criterio máis que o do "yo-yo", desperdiciando a un tempo a oportunidade de traballar PARA Teo dende o goberno e a oportunidade de traballar PARA Teo dende unha oposición constructiva. e agora, sen importarlle ninguén dos que perxudicou no seu camiño, volve a presentarse porque non lle queda outra

e ten envexa porque outros máis novos ca el foron, son, e chegarán a ser como políticos o que sempre quixo e nunca será Jano Leis. como persoas, e seguindo o exemplo do arduo traballo de "investigación política" de Jano Leis, non hai máis que botarlle unha ollada ós facebook de cada quen...

así pois, a nivel persoal, referíndome ó Psoe de Teo, podo dicir que son a "antilibido-política" personificada

o comportamento da maioría dos políticos na actualidade faime entender que case sempre as votacións serven para "escoller ó menos malo". para min, outro criterio de selección ten sido o de evitar maiorías absolutas, porque sempre pensei que unha maioría absoluta é o máis parecido que pode haber a unha dictadura (que llo digan a Aznar e ás súas decisións); agora entendo que, nunha situación na que son as minorías as que exercen comportamentos dictatoriais uníndose para causas pouco éticas, a maioría é o único xeito de gobernar

agardando que esta sexa a última entrada deste blogue

saúdos

caza de bruxas

2010-12-30T09:46:00.014+01:00

como estamos en "datas sinaladas" en vez de comezar acudindo ó diccionario, nesta entrada prefiro empezar cun conto....

había unha vez unha aldea perdida entre montes de eucalipto e piñeiros na que habitaba, entre outros, un home que quería ser rei. de pequeno contáranlle tódolos contos do mundo para durmilo. como era de sono doado, casi sempre aparecía Morfeo antes de que, tan sequera, o príncipe soubera da existencia de princesa algunha; pero o narrador, por medo a que os personaxes non descansaran se deixaba a historia a medias, remataba tódalas noites o conto, de xeito que o home que quería ser rei, de neno, vía como os seus soños eran guiados por unha voz en off que o incitaba a pelexar con dragóns, escalar montes nos fríos invernos e acadar as torres máis altas dos castelos máis poderosos para, ó fin, sentarse no trono real como máximo mandatario.

foi así como naquel pequeno corpo se foron forxando as ansias de poder: a través dos contos que outros lle contaran.

chegada a idade adulta, pouco lle importou que a aldea na que vivía carecese de monarquía: el quería ser rei e había ser rei!

para acadar o seu soño houbo de rodearse dun pequeno exército que lle valera de escudo e de lanza á vez, e comezou a súa conquista sen sentir remorso cada vez que, para facerse cunha pequena parte da poboación, tiña que enganar, actuar cal déspota ou mentir.

houbo un tempo de paz no que, non vendo xeito de apropiarse de máis terreos, decidiu convencer ó pobo da existencia dunha raza enmeigada á que había que eliminar da aladea, e preparouse para comezar unha caza de bruxas valéndose do seu pequeno exército.... neste había homes e mulleres, estudiosos e traballadores, rapaces e vellos....

ó primeiro comezaron a caza de bruxas dende a escuridade, con pequenas tentativas de sabotaxe e inxurias sobre as vidas daquelas ás que etiquetaron como bruxas.... e foi unha das rapazas do exército a encargada de facer pública a caza....

-foi a rapaza que quería un piso e lle dixeron dende o partido no que militaba que o mercase, que ían gañar as eleccións e que tería un soldo para pagalo.... alomenos durante catro aniños
-a rapaza que por orde y mandato "doutro" denunciou e acudiu a xuízo

-a rapaza que se ten que conformar con desafogarse coas amizades dicíndolles o cansa que está do titiriteiro, e que cada vez o atura menos, ó tempo que debe seguir obedecendo as ordes das cordas

- a rapaza que non parece saber como funcionan os turnos de palabra nun pleno municipal a pesares de, ó fin, cobrar unha dedicación exclusiva das arcas municipais.......

primeiro foron cara a que traballa no concello (Portela A) -que seica está aí posta por Martiño...será que Martiño ten poderes retrospectivos-; despois foi a puta, zafia, lerda e neurótica que non lle bota mascarilla ó pelo, esta que vos escrebe (Portela B); tamén houbo para Portela (G, de García) e as dúbidas sobre a súa labor voluntaria en distintas asociacións do concello; e agora tócalle á Portela C , por traballar (nos tempos que corren eso está considerado un luxo pecañento)

resulta que se achegan as eleccións e hai que cuestionarse públicamente a labor feita polo goberno actual, para restarlle posibles votos no futuro. e se de paso se pode intentar desprestixar ás persoas que, pola súa banda, se cuestionan a labor do "sector politicucho opositor" , e a parte da súas familias, pois mellor....

algo nos cheirábamos que farían cando un día, coma quen non quere a cousa, case coma por accidente, o señor Jano Leis se presenta no concello e ve a miña irmá (a terceira bruxa) e a outra rapaza traballando no concello "codo a codo" con Carme Hermida.... Jano non visita tódolos días o concello, pero algún ou algunha das súas espías se encargaría e dicirlle que "había xente nova" para que, xusto no segundo día de traballo desa "xente nova" aparecese EL por alí.... e xusto ó terceiro día, chamada do sindicato para preguntar se as novas traballadoras cumprían coas condicións legais..., que ben que se preocupa polo benestar laboral dos que traballan para o concello!!!
non podía rematar aí.... tiñan que levar o tema a pleno.... pedindo explicacións dos actos celebrados polo departamento de cultura e deporte (e déronllas), pedindo facturas (que xa tiñan á súa disposición se querían velas onde teñen que ir a velas, pero queda máis bonito "facéndose ver" nun pleno), pedindo información sobre a formación da "xente que contrata o concello" (esto seguramente se deba á importancia que lle dá o señor Jano ó asunto dos títulos.... aínda que non se entende que os papeliños eses lle resulten tan imprescindibles e ó final se rodee de quen se rodea....)

pois o "persoal contratado polo concello" do que quixeron dar nome e apelido ten tamén os seus papeliños (esto é igual a "estudios rematados") e, ademais, máis anos de experiencia profesional no ámbito da producción musical e cultural (asunto polo que ese "persoal" foi contratado) dos anos de experiencia que ten a rapaza que cobra unha dedicación exclusiva do concello como "cobradora dunha dedicación exclusiva". en resumo: que fixo moito máis ese persoal laboral en moito menos tempo e cobrando moitísimo menos..... porque aparecen comentarios nos blogues e xornais sobre unha factura que presentou esta terceira bruxa por un importe de 3000 euros: VOLVEN A MENTIR. a cantidade exacta da factura (que non contrato, xa que a persoa que pasa a factura é unha autónoma que ofrece un servicio a unha entidade pública) era de 2718,45€ (menos o 15% de IRPF e máis o 18% de IVE, que veñen sendo 2800€ -con eses 200 que faltan para os 3000 eu, sendo atea, fago milagres-). poden os "comentaristas" comparar as grandes obras sociais realizadas polo mal chamado partido socialista de Teo coa súa dedicación exclusiva (léase: propaganda e contrapropaganda, xuízo procensura,.... a quen se lle ocorran máis ideas que as vaia soltando) cos servicios prestados con esta cantidade, que se corresponde a o soldo e os seguros de músicos (9 músicos en total) e producción completa (cea de músicos e técnicos, montaxe e preparación da carpa de cameríns, montaxe de escenario, desprazamentos, xestión e coordinación) de 3 concertos organizados nos Tilos....; a ver quen sae beneficiado na comparación servizos/prezo

no fondo penso que os case-3000 euros á rapaza e ó home pequeno que quería ser rei lles importan ben pouco...; o que seguramente lles preocupe será que dende o Concello de Teo se organice nos Tilos calquera acto (social, cultural, deportivo,...) que poidan precisar/disfrutar os veciños tilenses.... non vaia ser que lles quiten votos "no seu terreo"....

non teño ningunha dúbida de que a caza vai seguir. e ó tempo que saen escopeta en man intentarán facerse as víctimas lamentándose de todo aquilo do que os acusan (como non, dicindo que se trata sempre de mentiras) e crendo que son eles os perseguidos....

continuarán afirmando que "lle teño manía a Jano" e farán coma que non saben por que escribo sempre referíndome ó "partido socialista" de Teo.... xa expliquei unha vez que comecei a escribir nos blogues (e posteriormente creei o meu) en "defensa propia", tras enterarnos de que "as bruxas" estábamos sendo acusadas de crear un blogue e unha chea de comentarios noutros (e nalgún xornal dixital) dos que, daquela, nen sequera tiñamos coñecemento....

pero hai outro motivo para a miña crítica constante; e é un motivo moito máis poderoso que o anterior: nas últimas eleccións municipais, esta á que chaman nacionalista (a pesares de ter dito en varias ocasións que non promulgo con ningún partido político e que son completamente libre de votar ou non votar, e de, no primeiro caso, votar a quen queira), esta que escrebe, votou ó "partido socialista" de Teo, e se hai alguén con TODO o dereito a criticar as malas actuacións dun político (e este en concreto, nos últimos 4 anos, non ten unha acción política ás súas costas que poida ser considerada doutro xeito) son todas e cada unha das persoas que o votaron.

é por iso que repito que o partido socialista de Teo, co seu secretario local á cabeza, dá tanta pena coma o señor Armando Blanco falando (bébedo ou non) nun pleno municipal.

ata hai pouco lamentábame ó pensar que o meu voto foi inútil, ou máis ben, perxudicial para o concello de Teo. pero neste mundo estamos catro días e non vale a pena vivilos amargados.... así é que agora opto pola "versión optimista" dos meus pensamentos sobre aquela papeleta: e alégrame pensar que se daquela o señor Jano conseguiu 4 concelleiros contando cos votos de tanta e tanta xente que agora está na súa contra, nas vindeiras eleccións, sen o apoio de toda esta xente, e de xeito irremediable (a non ser que teña o poder de resucitar a mortos e/ou empadroar a miles de seareiros seus na súa casa) irá a menos. e esta idea xa fai, por si soa, augurar un "bo 2011" (alomenos nalgún aspecto)

[nota: admítense apostas sobre cantos concelleiros sacará cada grupo político nas propias eleccións.... e cantos quedarán do partido socialista? e quen? repetirá alguén? Sandra a cuasixeógrafa "hipotecada"? Carlos o portavoz sen palabras? Jano o "lisensiado"?.....]

é no seu victimismo esaxerado que o partido socialista intenta sacar rédito do que outros considerarían unha desgracia; dun feito que realmente perxudicou a demasiada xente.... como xa escribín comentando unha entrada doutro blogue, asociar "nacionalismo" a "bomba", a "terrorismo" ou a termos similares é propio de mentes moi limitadas. pero tampouco nos imos sorprender, porque xa o teñen feito máis veces (lembremos algunhas entradas do desaparecido blogue dos socialistas de Teo, no que aparecían fotografías moi explícitas -resulta curioso que no xuízo o señor Jano se fixera o ofendido-doído-afectado porque o tiveran asociado cos talibáns, cando eles mesmos fixeran esa comparación ó referirse ós que agora gobernan....-). pasan a vida ameazando con xuízos e culpando ós demais de acusacións falsas ó tempo que alegan públicamente, coma se non se tratara dun tema serio, que os do equipo de goberno son responsables da bomba posta na sede do seu partido!

este conto nen é de nenos nen ten fin.... aínda que agardo que alguén llo poña nos vindeiros meses; no tocante á moralexa.... digamos que abonda dicir que sacarlle rentabilidade política a un acto terrorista é tan pouco ético como cometer o acto terrorista

ficcións que superan a realidade

2010-12-04T22:35:00.020+01:00

vergonza: sentimento de quen fixo unha cousa que non debía ou de quen sofre unha humillación / sentimento de inferioridade e humillación que alguén sente ante outros e que lle impide desenvolverse con normalidade;rubor/ valoración da propia dignidade/ acción ou suceso que causa indignación, escándalo, etc./ aquilo que constitúe un motivo de humillación ou de deshonra para alguén

título: designación coa que se identifica unha obra (como un libro, un capítulo, unha conferencia ou calquera obra literaria ou artística) xeralmente describindo o seu contido/ nome dunha profesión, grao ou categoría que unha persoa pode desempeñar despois de ter realizados e superados os correspondentes estudios, así como o documento que acredita tal dereito/ tratamento de honra co que un rei distingue a unha persoa, o cal se transmite ós seus sucesivos herdeiros máis directos/ documento que acredita un dereito, en particular a posesión dun ben/ escritura/ a título de.loc. prep. en calidade de, a maneira de

mentira: aquilo que unha persoa presenta como verdadeiro sabendo que é falso

moral: que se refire ás regras de conducta e ós costumes que se consideran bos e que son admitidos e practicados por unha sociedade/ que é conforme a eses costumes e a esa maneira de comportarse/ conxunto de regras de conducta que se consideran boas nunha sociedade e que son seguidas por esta/ estado de ánimo para enfrontarse ás dificultades ou ós perigos

favor: servicio que se lle presta a alguén para axudalo/ apoio, protección ou preferencia que se lle concede a alguén/ de favor.loc. adx. como favor, que contén favor / en favor de. loc. prep. para favorecer ou beneficiar a, para proveito de

son consciente de que o señor Alejandro Leis Carlés, "Secretario General de la Agrupación Socialista de Teo, Catedrático de Enseñanza Secundaria de Lengua y Literatura Española en el Instituto de Enseñanza Secundaria de Teo, padre de Abogado del Banco Mundial en los EEUU y participante de la vida política, hijo de Corresponsal del Faro de Vigo, yerno de Catedrático de Universidad muy conocido en Santiago y en Galicia"... e a esta que escrebe, cónstalle que parente de outras persoas ás que non menta perante a xuíza... lerá este comentario (e quizais o fotocopie para ir acumulando). é por iso que me permito o luxo de presentar o significado dalgunhas palabras que empregou e/ou ás que fixo alusión na súa declaración ante a xuíza para axudarlle a entender o seu significado.... terame que perdoar o meu atrevemento, por ousarme a tentar ensinarlle algo sobre a lingua a un Catedrático de Lengua y Literatura....

os títulos nobiliarios deberíanse considerar xa anacrónicos; sen embargo, nesta sociedade aburguesada na que importa máis levar un abrigo de pelexos que ter pan na mesa, aínda buscamos a amizade (que non ser "amigos" e "amigas ") de don, de doña e de ilustrísimo, esperando que dita relación nos traia algún beneficio "de honra", de posición ou material. incluso xentes declaradas antimonárquicas, outros comunistas, outros anarquistas... adoitan presumir de ser amigos de, parentes de....
por outra banda están os títulos académicos. e todos e todas, pero de xeito especial alguén tan preparado coma un Catedrático, debería saber que o único para o que valen ditos títulos son para encher currículums e optar a determinados postos de traballo: nunca para ser máis, nen mellor, e dende logo neste sistema educativo, nunca para ter máis educación

mostra de que a educación e a cultura pouco teñen que ver coas titulacións é o feito de que un Catedrático de Lengua y Literatura non saiba estar nun lugar público do carácter dun xulgado (recostándose no banco coma se estivese tomando unhas copas no sofá dun pub), non poña en práctica o protocolo de respeto a quen fala(que como profesor-orador debería coñecer) e por ilo a xuíza lle teña que chamar a atención, ou non saiba distinguir a linguaxe axeitada para cada un deses dous lugares e solte participios partidos ó asegurar que os seus alumnos "le han comentao" a temática dos blogues de Teo....

por certo, se pretendía manter separadas a súa función política e a súa función como profesor, quizais non debera ter feito propaganda do seu partido no Instituto -portando, por exemplo, pins do Partido Socialista- nen falar da "política municipal" na aula como opositor do goberno

outras mostras da distancia que hai entre ser posuidor dun título académico e "ter educación" son todos os "puta", "zafia", "lerda" e demais glorias saídas de xentes que, a pesares de non ser analfabetas no tocante á lingua escrita nen a nivel tecnolóxico, mostran que os seus estudios pouca educación lles outorgaron... e que dicir dos verbos compostos no galego, ou das carencias no desenrolo psicolóxico reflexadas no recurrente recurso ó anonimato ou no disfraz da propia personalidade tras "voces de diferente nivel cultural" (do latín ó mercadillo en menos de 5 minutos)

para o que non fai falla ter un título é para dicir a verdade. ou pódese dicir doutro xeito: ser portador dun título non implica "per se" ser portador da verdade. e tamén dan probas desto no xuízo os demandantes de xeito continuado, tanto ó referirse ós asuntos do PXOM coma a algúns dos "acusados e parentes", asegurando que só os viron "dos o tres veces de manera tangencial"....

supoño que se no xulgado lles preguntaran por calquera outro membro do Partido Socialista Obrero Español (estas siglas son de risa) de Teo que estea en desacordo coa política do señor Aejandro Leis Carlés, Secretario General de la Agrupación Socialista de Teo, Catedrático de Enseñanza Secundaria de Lengua .... bla bla bla.... tamén dirían que os viron tanxencialmente, que non os viron en asamblea ningunha ou que non colaboraban activamente co partido. destes "socialistas desconformes" só saben soltar mentiras (pensei que só nos blogues, pero tamén nos xulgados), como están a facer agora, por exemplo, con meu pai (mira por onde! eu tamén son hija de!!!), .... será outra vez a impotencia?

supoño que a señora Sandra, diante dun xuíz ou xuíza que lle preguntara se me coñece respondería que non. se lle preguntara se algunha vez estivo na casa na que vivo diría que non. e se lle preguntaran algo sobre brochas, pegamento, carteis, campaña electoral, taboeiros.... diría que non

evidentemente, se todos e todas as "grupis" do señor Alejandro Leis Carlés, Secretario General de la Agrupación Socialista de Teo, Catedrático de Enseñanza.... bla bla bla... tiveran que declarar perante un xuíz ou unha xuíza e lles preguntaran se algunha vez escribiron nalgún blogue insultando e/ou calumniando a alguén da miña familia, ou a min mesma, dirían que non.....

e digo eu: para que unha persoa, Catedrática, filla da Correspondal, pai de Avogado, xenro de Catedráticos Superfamosísimos decide acudir a un xulgado se ten pensado mentir? para que vai se se pasa a xustiza por partes do corpo que non vou a nomear?

porque está claro que este personaxe non cre na xustiza (lembremos que este termo leva implícito o de equidade). no que cre é en que uns homes (non homes e mulleres: uns homes) teñen máis dereitos que outras persoas. que un ten máis dereito á honra por ser fillo de-pai de-casado con- que o resto das persoas. que un catedrático ten máis dereito á honra que un ou unha -por exemplo- auxiliar administrativa.... debe ser por iso que no xuízo se adica a relatar a ringleira de títulos académicos e honoríficos de parte da súa familia, supoñendo que a xuíza, "ó saber con quen falaba" se vería obrigada a darlle a razón e a posicionarse no seu favor....

favor....oh! que gran palabra! e que ben a coñecen os que buscan aliados a base de defender o indefendible, e os que se gañan ós votantes e ós confidentes a base de favores (=política de esquerdas).... o que non saben estas xentes "de esquerdas" é que os que se deixan mercar por eles carecen de determinados valores e que, polo tanto, non só se deixarían mercar tamén por calquera outro ou outra, senón que ademais intentarán gañar o favor dese "outro ou outra" adiantándose, sendo tamén os seus confidentes.... é o que nas pelis americanas chaman "espía dobre". mentras esas "xentes de esquerdas" cren sabelo todo sobre a autoría doutros blogs, sobre a condición política das persoas de Teo que opinan libremente, sobre o funcionamento do concello.... a aqueles que consideran "inimigos" chégalles información sobre quen e como administraba o "autodestruído" blog dos socialistas de Teo, sobre as condicións dos políticos e afiliados do PSOE de Teo, sobre o funcionamento de dito partido....

e pretenden ser os donos da verdade asegurando que "azotan" as mentiras, cando nos intres nos que non as están creando se adican a espallalas.... e empregan "fontes tan fidedignas" que non dan pé con bóla (estarei sendo demasiado benevolente ó atribuir as mentiras desta "xente de esquerdas" a un erro na información e/ou nos informantes?)

aseguran, por exemplo, que unha asociación dos Tilos desaparecerá porque dende o Concello de Teo se lle nega unha subvención, cando dita asociación recibía tres subvencións de tres institucións (Concello, Deputación e Xunta de Galicia), e deixou de percibir tan só a que viña da Xunta de Galicia, pero, por ser a máis cuantiosa (e probablemente da que dependían) a súa actividade sociocultural se verá, evidente e desgraciadamente, afectada ....
.... ou cren saber que "se cesou" a alguén doutra asociación, cando ese "cese" foi un abandono voluntario da actividade.... (claro que non contan nada máis.... será porque detrás das acusacións falsas están os que realmente se beneficiaron dos cartos de dita asociación.... "y otros amigos".... digo eu que ese "confidente fidedigno" non saberá nada desta segunda parte do asunto....)

en resume, que me lío.... política de esquerdas é:

-gastar os cartos públicos en xuízos en contra da liberdade de expresión
-mentir diante de quen faga falla e polos medios que faga falla (xuíces, xuízas, afiliados, afiliadas, verba oral, blogues, "correveidiles",....)
-antepoñer os intereses políticos e económicos persoais ó benestar do pobo (cuando mi papá gane las elecciones nos mudamos a una casa más grande)
-defender e practicar o amiguismo: a política dos favores sempre antes que a dos dereitos
-considerar que neste mundo non todos somos iguais: estamos os da plebe e están os Catedráticos de Enseñanza Secundaria de Lengua y Literatura.... bla bla bla
-considerar que neste mundo uns só teñen dereitos (de honra, ó respeto, á intimidade, a esbardallar,....) e outros só temos obrigas (de gardar silencio)
-actuar e permitir que outros e outras actúen de maneira machista e misóxena, (iso si: asegurándose de dar a imaxe oposta ó "ser machista" , a través da involucración pública nalgunha "asociación de mulleres" e botando man das "arrobas"): soltar insultos machistas cada dous por tres; pretender que a muller que ten que estar na parte alta da lista electoral (puta lei de igualdade!) sexa loira e de ollos axuis (que vende máis) ou, no seu defecto, manipulable....

.......acéptanse suxerencias sobre a definición e características da "xente de esquerdas" (decidín posicionarme dunha vez e preciso axuda para aclararme a min mesma se son de dereitas ou de esquerdas)

calumnadiores e calumniadoras do mundo....

2010-11-14T12:42:00.004+01:00

calumnia: acusación falsa feita contra alguén para danar de maneira intencionada a súa reputación

ó feito de que alguén acuse a unha persoa de ser autora ou coautora dun blogue do que non é nen nunca foi autora nen coautora pódese considerar calumnia??
que lle chamen puta, zafia, lerda, porca, lagarta, neurótica (e un longo etc) sen probas que demostren que é puta, zafia, lerda, porca, lagarta, neurótica (e un longo etc) pódese considerar calumnia?? e as ameazas, entran na categoría de "calumnia" ou han de analizarse aparte??

os seguintes exemplos poderíanse considerar calumnia???
anónimo dijo...SOIS UNAS PUTAS DE MIERDA JANO LEIS NO SEMERECE ESTO GUARRAS15 de febrero de 2008 13:32
anónimo dijo...Sodes unhas toliñas e nada mais15 de febrero de 2008 16:56
anónimo dijo...GUARRAS!!!!!!!!!!!!!!!!!15 de febrero de 2008 16:57
anónimo dijo...Insisto: por moita carraxe que vos dea, non lleentredes ao xogo a esas persoas entolecidasque todos sabemos.O que máis desexa un neurótico é que se llefaga caso: con eles non hai razoamento quevalla, sempre irán saltando dun tema a outro,dunha barbaridade á seguinte, sen lóxica ninconcerto, salvo, claro está, o de facer o maiordano posible aos seus imaxinarios inimigos.Calquera que lea as estupideces que din,decátse enseguida diante de quen está.O desprezo é a mellor resposta para eles.14/02/08 14:56
anónimo dijo...O de esta rapasa non ten nome. O seuproblema é que está namorada de Jano Leis enon sabe xa que facer para chamar a súaatención, entón busca en todas partes paraintervir. Xa non lle queda outra. ¿Por qué nonliscas dunha vez e te perdes? no fondo daspena......Veña muller, non te preocupes quealgo has de atopar por ahí para desfogarte.Saudiños10 de febrero de 2008 1:20
anónimo dijo...Rapasa, deixa a Jano Leis tranquilo.Ao mellor se intentas desfogar as túas irasdoutro xeito, ao mellor así, cálmaste unpouquiño. E si o problema e que te sintesatraída por él, entón faille unha declaraciónde amor, e listo. Problema resolto. Non hainada peor para atraer a atención dun home,que insultalo a miudo. Veña! Lisca!Saudiños10 de febrero de 2008 1:15
Anónimo dijo...
RECORDAIS AQUELLA CANCIÓN QUE DICE:"MARGARITA SE LLAMA MI AMOR, UNO, DOS..."DICEN QUE ES EL HIMNO EXTRAOFICIAL DE LOS HOOLIGANS DEL BNG DE TEO
6/01/08 14:29
Anónimo dijo...
AO MELLOR ALGUEN DE " asuntos sociais" DO CONCELLO DEBERÍA ACONSELLALA BEN
Anónimo dijo...
para os que escriben con seudonimos.... unha canción....." Margarita se llama mi amor, margarita pgarces...que pouco chollo tes... para estar todo o día escribindo chorradas, mentras os teus compañeiros deixan o pelexo no chollo.dendo logo hay postos de traballo que sobran.. habera que miralo
Carallo! hoxe lle deberon pagar un plus á tola do concello que escribe non sei cantos comentarios no Correo Gallego. Vaia coa pobre mulleriña, vender a súa saúde mental para que lle consoliden o choio no que traballa...OPOSITA, MULLER, OPOSITA E DEMOSTRA SE VALES PARA ALGO MÁIS QUE PARA O INSULTO E A DIFAMACIÓN!
30/01/08 11:15
AGARDO, DE VERDADE, QUE TE POÑAS BEN PRONTO
MARGARITUS 02.02.2008 16.11
POIS SINTO DE VERDADE, FILLA, QUE HOXE ADOPTARAS A PERSONALIDADE DE LUISITO E NON UNHA MÁIS ACORDE COA TÚA CONDICIÓN FEMININA.
TEENSE OU ASPIRIANA, POR EXEMPLO, QUIZAIS CHE FORAN MELLOR.
TEN COIDADO, PORQUE ESTE TIPO DE TRASTORNOS DE PERSONALIDADE MÚLTIPLE VAN ACOMPAÑADOS EN XERAL DE EPISOSDIOS DE VIOLENCIA, SÓ QUE COMO CADA UNHA DAS PERSONALIDADES VAI POR LIBRE, NON SE ENTERA DO QUE FAN AS OUTRAS.
INSÍSTOCHE. NON PAGA A PENA POÑER EN PERIGO A SAÚDE MENTAL SÓ POR TENTAR ASEGURAR O CHOIO.
COÍDATE, FILLA, COÍDATE, QUE ME TES MOI PREOCUPADO
Anónimo dijo...
O último rumor e que esta toliña ten soños eróticos con Jano Leis, e está tan obsesionada con él que xa non sabe como facer para chamar a súa atención........ no fondo, morre porque Jano lle chosque un olliño......Rapasa, ¡lisca muller! xa todo o mundo te coñece. Intenta limpar un pouco a túa imaxe e fainos un favor a todos liscando do concello! por favor!
10 de febrero de 2008 1:27

realmente alguén pode ter soños eróticos con Jano Leis?

se eu fose unha muller morena de ollos escuros e o "meu superior" quixera nalgún momento quitarme do meu posto e poñer a outra loira e de ollos axuis porque esta segunda "vende unha mellor imaxe" (e aínda se esta idea viñera dun Adonis, pero non é o caso precisamente), estou segurísima de que o trato que pasaría a ter co "meu superior" non sería o de obediencia absoluta, o de seguirlle o xogo, o de facerlle favores aínda a risco de saír máis perxudicada....
se eu fose unha muller feminista non me adicaría a defender a ultranza a unha persoa que dixo/escribeu/permiteu no seu blogue oficial tantos comentarios e insultos machistas e misóxenos....
pero como dixen na miña entrada anterior.... xa somos maiorciños e tócalle a cadaquen elexir quen é, e actuar en consecuencia

pd.: todo o que afecta ós individuos nesta vida é subxectivo. toda mirada, por ser persoal, é subxectiva. un xuízo, como acción que afecta ós individuos é subxectivo. podo asegurar e aseguro que non teño nada que ver co caso malaya, e que non vou formar parte do xuízo nen como parte acusadora nen como parte acusada; podo asegurar e aseguro que, malia non formar parte dos feitos nen do proceso xudicial, o asunto non me resulta indiferente e teño opinión sobre el
ante o "non saber sair" do que nalgún día se dixo/fixo todo son escusas: contos chineses

desenferruxando

2010-11-09T10:40:00.000+01:00

xuízo facultade mental que permite entende--las cousas, xulgalas e actuar en consecuencia/ entendemento, razón, sentido / raciocinio / capacidade mental para actuar de maneira razoable e correcta / asentamento, cordura, entendemento, sensatez, sentido, siso / maneira que unha persoa ten de xulgar unha cousa, e conclusión que saca / criterio / opinión, parecer / apreciación.OBS. téñase en conta que opinión e xuízo aínda que teñen o mesmo significado non se utilizan sempre nos mesmos contextos / acción xudicial para resolver un asunto

mal aquilo que prexudica, material ou moralmente e o seu efecto / dano / o que se opón ás regras da moral e da virtude / alteración da saúde, tanto física como mental / doenza, enfermidade / forma reducida do adxectivo malo cando vai antes dun nome masculino / de modo que non responde ó que convén ou ó que se desexa / de maneira incorrecta, ou equivocada, que non é como debe de ser / de modo que prexudica, que dana

malicia actitude da persoa que encobre as súas verdadeiras intencións ós demais, prexudicándoos por iso, e que, ó mesmo tempo, desconfía e dubida da honradez dos outros, vendo mala intención no que fan ou no que din

xuízo non é só aquel que se realiza perante un xuíz.... malia que só este teña determinada validez lexislativa

durante moitos meses xulgóusenos á xente que mantíñamos uns blogues abertos, sentenciando a nosa tendencia política en base a suposicións; sen embargo, as e os "sinaladores" non admiten que se fagan as mesmas suposicións sobre eles e elas

igual que fumos sinalados coma culpables en máis dunha ocasión, sen probas (é difícil atopalas sobre aquelo que non existe), sen dúbidas (a mentira case nunca dá opción ó "depende", sempre se sitúa nos extremos), sen remorso (termo asociado á con(s)ciencia, á responsabilidade, polo que a súa ausencia non me sorprende); do mesmo xeito poderíamos (ou deberíamos) recibir agora a palabra da "desculpa". e non fai falla que sexa con pancartas coma as que engalanan as estradas con novas de casamento....

quizais sexa moito pedir.... unha desculpa de fronte!!! e pedirllo a quen non sabe falar mirando ós ollos (o medo a que nos desenmascaren é potente), a quen só sabe esbardallar escudándose nos alcumes do anonimato....

os cobardes non piden desculpas; os cobardes non recoñecen erros (aínda que dubido de que todo o dito se debera a "erros"). os cobardes só saben enxuizar o valor alleo

agora fálase "da volta" dalgúns blogues (entre eles este), coma se a marcha fose cuestión de capricho.... a deste en particular debeuse a dous motivos: o respeto pola situación inxusta que estaba a vivir TSSDT (ou temos todos o mesmo dereito á expresarnos, ou calemos todos) e o cansancio ante unha situación ridícula como era a do insulto constante e a mentira. mais hai algún outro blogue que desapareceu (casualidades da vida, pouco antes do comezo do proceso xudicial) e do que non se fala tanto, a pesares de ter o peso do seu carácter oficial.....

hai quen di que non se pode ou non se debe opinar sobre cousas tan serias como son os "xuízos". dende cando? imposto por quen? non podemos ter sentimentos, por exemplo, cara o feito de que se xulgue/se poida xulgar a Julián Muñoz, ou a Camps, ou a Fraga.....? nesa excusa de "non poder opinar" só se escudan aqueles ós que a realidade lles fai bater coas mentiras coas que levan convivido e ás que levan defendido durante moito tempo

o sinxelo feito de facer unha denuncia a un blogue por inxurias, cando todos coñecemos a dinámica destes blogues (coa participación e comentarios de ámbolos dous lados, os insultos e prexuízos de ámbolos dous lados), cando todos coñecemos a posición política dos "oficialmente e xurídicamente ofendidos" (unha persoa que ten un cargo político ha de saber que está en situación de ser criticada polas súas actuacións; se non sabe/quere/acepta recibir críticas negativas ten dúas opcións: non facer as cousas mal, ou deixar a política),.... como dicía, o sinxelo feito de denunciar un medio de expresión nun suposto estado democrático dá noxo (de xeito moi especial cando o que leva a cabo a denuncia se describe a si mesmo como persoa democrática, e de esquerdas, e....) -e que non vendan o feito de que quen interpón a denuncia é Sandra, porque xa nos quedou claro quen move os fíos nese "partido" e que se as cousas se fan ou se deixan de facer é por orde e mandato dun único personaxe; outra cousa é que en cada acto se poña outro nome propio.... polo que poida sair mal.... a imaxe que hai que gardar é, como non, á da "portada", á do "grandísimo".... os outros están aí para facer de escudo-

é tan grandioso escudarse nos subordinados coma escudarse no anonimato.... claro está, facendo puntuais "excepcións de DNI" á hora de vender a imaxe de "compañeiro", de "defensor", de "alma caritativa que o dá todo porque non ofendan ós 'seus'"..... teatro, lo tuyo es puro teatrooo; pena que Sandra non sexa loira e de ollos azuis.... vendería máis, non? (me encanta esta generación de "progres")

xa somos maiorciños; isto ben a significar que somos (ou debéramos ser) responsables dos nosos actos. cando un fai algo mal pode ser por equivocación, por falta de experiencia, por falta de medios, de coñecementos,.... cando un fai algo con maldade a explicación é única e inequívoca: non hai máis voltas que darlle. despois pódese escudar en mil explicacións inventadas, pódese apoiar en culpas alleas ou intentar argumentar con sofismos cando os demais se decatan, ou alomenos sospeitan do mal causado.... pero explicación certa: unha única é inequívoca.

e cando alguén está a facer as cousas con maldade e outro alguén o apoia pódese deber a que non estea capacitado intelectualmente para "recoñecer ese mal" ou pódese deber a que, recoñecendo tanto o mal como a malicia, sexa partícipe das consecuencias daqueles.... é decisón de cada quen decidir a cal dos dous bandos pertence.... e actuar en consecuecia

anónimo di

2010-11-07T09:26:00.001+01:00

http://www.lavozdegalicia.es/santiago/2010/11/07/0003_8833137.htm

inciso

2009-11-20T15:18:00.002+01:00

seica a Calo lle "caeron" cárcere e deshabilitación profesional

tendo en conta que a pirotecnia esta aí antes que a maior parte das casas que a rodean, e que é posible que as que carezan de permiso ou lles fora concedido de xeito irregular sexan éstas últimas; tendo en conta que alguns veciños trataron de aproveitarse da situación pretendendo "colarlle" ó seguro da pirotecnia moitos dos "cambios" da casa que tiñan comezados antes da explosión e que o asunto chegou a convertirse nun asunto de "por el interés te quiero Andrés"; e tendo en conta que é, cando menos, sospeitoso, que despois de tantos anos de funcionamento a pirotecnia veña a estourar xusto cando hai intereses (e ofertas) urbanísticos, o termo "xustiza" cobra na miña cabeza tras esta resolución tan "axustada á realidade" un significado raro raro raro......

será iso dos matices: un rouba unha galiña e 40 euros e caenlle 20 anos de cárcere; rouba de 3 a 35 millóns de euros e ten unha visita curta ó xulgado de turno. así é a vida

quizais o seguinte sexa que un acabe no cárcere.... non sei, por crear un blog, por exemplo

edgar faure

2009-06-05T16:53:00.000+02:00

no es suficiente combatir la ignorancia de los ignorantes. es preciso también, y en primer lugar, combatir la ignorancia de los que saben muchas cosas, incluso de los que creen saberlo todo.

parajó presidente!!

2009-02-26T10:03:00.004+01:00

recuperar: volver ter [algo que se perdera]/ volver pór en servicio ou en condicións de ser utilizada [unha cousa estragada]/ compensar [o tempo que se perdera nunha actividade] dedicándolle con posterioridade máis tempo ou máis esforzo do habitual/ aprobar [unha materia que se suspendeu nunha convocatoria anterior]/ volver ó seu estado de normalidade despois de sufrir unha situación desfavorable ou prexudicial [unha persoa ou cousa]

o título de hoxe, máis que con retranca, está escrito con abraio.... ó lembrar tódalas veces que no pleno de onte o señor Parajó foi nomeado de xeito exemplar: foi o único que no debate dos presupostos se referiu ó que se tiña que referir: ós presupostos; foi citado polo señor Armando en varias ocasións; e ata o mesmísimo Jano Leis chegou a abrir algunha das súas intervencións facendo referencia ás aportacións do concelleiro de inteo, coma se dun autor clásico se tratara....

.... se por ter papel importante tivo o que máis: foi o voto decisivo na resolución da moción dos presupostos: un voto que resumiu o desexo de toda a oposición, desexo que se reflexou no cambio das caras dos membros do psoe de Teo, que do enfurruñamento habitual pasaron á máis expresiva das alegrías.... non era para menos, despois de verse obrigados á abstención, unha alma caritativa veu a cumprirlles o seu desexo.... claro que dita alma non corre o risco de non ser presidente da Xunta pasado o vindeiro 1 de marzo, polo que viña a ser o único con liberdade de actuación

poidera ser que me crera iso de qe o señor Jano Leis se abstía non porque el quixera (iso si que o creo), senon porque así o decidira o seu grupo en asamblea.... pero como aínda teño poder de decidir qué mentiras creo e cales non, vou obtar por supoñer que foi dende un escano máis arriba (de feito, atribuíuselle a decisión ó mesmísimo Zapatero) dende onde se lles obrigou a levantar a man en determinado momento.... quizais se a asamblea socialista tivera poder de decisión nun asunto tal, acabasen rexeitando de forma directa os presupostos.... e aínda máis: quizais se a asamblea socialista de Teo tivese poder de decisión sobre tal tema, acabasen votando a favor....

eu sigo elexindo as mentiras que creo, coma a de que nas asambleas do partido socialista de Teo non se vota.... e non, non fai falla que me convidedes a ir a unha asamblea a ver o que se coce, que en máis dunha ocasión dixen que non son socialista -nen ningún outro "ista"- (aínda que insistades en atribuirme cousas que non dixen), e quizais nunca chegue a selo, porque polo papel que está a facer a agrupación dese partido neste concello, semella que, ó contrario que os do "xabarín club", cada vez queiran ser menos....

cando un quere ser xefe supremo dun grupo debería ter conta de dúas cousas: ou ben coida a tódolos membros do grupo por igual para tentar mantelos ó seu lado, ou, de face-lo contrario, ha de "facer que fai" as cousas ben para evitar que, cando algún se lle descarrile, vaia falando das cousas que pasan "dentro"....

cando un insiste unha e outra vez, e outra vez, e outra vez, que fala en representación dun grupo sona a que tenta xustificarse; e cando un fala realmente en representación dun grupo non ten motivo algún polo que xustificarse

o que acontece é que resulta moi útil iso de "formar parte dun grupo", porque o podemos usar cando nos interesa, ben sexa para culpalo dos nosos erros, ben sexa para leva-los méritos dos seus éxitos....

formar parte dun grupo debera, ademais, sacarnos traballo de enriba, sobre todo se dentro do grupo hai alguén que cobra por elo.... e traduzo: de pouco lle vale a un partido da oposición unha dedicación exclusiva se a persoa que cobra dita dedicación non fai (ben porque non está capacitada, ben porque o maior entendido non confía na súa capacitación) traballo algún....

cobran máis de 30000 euros pero non están dispoñibles para ir a recoller os documentos sobre os presupostos (ou sobre calquera outro asunto que se vaia levar a pleno); cobran máis de 30000 euros, pero abandonan a comisión, dicindo despois que non se conta con eles para dialogar dos temas que lle afectan ó concello....

para o próximo pleno, dádeme a min os 60000 e xa vos fago eu un resume escrito para o dous grupos.... por ese precio, ata o deixo a dobre espacio e imprimo unha copia para cada concelleiro, si, si, lestedes ben: unha por concelleiro!!! e non vos cobro plus!!!

a pena é que non van querer.... dáme a min que a lectura que importa é, igual que a única falta de disposición que importa, a do señor Jano Leis....

o feito de ter que exercer de profesor quítalle tempo pola semana para poder asistir ben documentado a unha comisión un venres; pero cunha fin de semana polo medio, esa "falta de tempo para ler a documentación dos presupotos", transfórmase nunha chea de post-it de cores....

.... e iso que quixo enganarnos, facéndonos crer tras a súa primeira intervención que realmente non tivera tempo para informarse sobre o asunto, e que por iso lle tiña que adicar a súa media hora longa de exposición ó proceso de convocatoria para a comisión que "sufriron" os diferentes grupos.... por sorte, tal capacidade de narrativa, xa se estendeu nunha segunda rolda ó tema en cuestión.... outra media horiña-coarenta minutos.... o raro é escoitarlle a unha persoa así eixirlle ós demais diálogo: cos monologuistas, tarefa difícil a do diálogo....

e por se fora pouco coas dúas horas de presupostos, aínda houbo máis temas.... houbo de todo: clase de gramática; defensa da actuación do goberno anterior, no referente ás convocatorias a plenos, por exemplo, ou coma cando Parajó xustificou o grandísimo traballo que supoxo nas anteriores lexislaturas elaborar uns presupostos debido a que non contaban con secretario (e cando o tiveron, tiña de secretario o que eu de xeque árabe.... iso non o dixeron); acusacións variadas de tentativa de apropiacionismo de obras, en concreto, aludindo á inauguración dos centros de Rarís e de Oza: así e todo, algo de mérito debe ter rematar en dous anos o que outros non fixeron en doce.... a pesar de ter mercado unhas leiras carísimas e de ter pedido (e perdido) subvención tras subvención.... tanto carto durante tanto tempo para só dous centros, xa poden ter a estructura bañada en ouro.... ou iso, ou ofertaban para os sábados pola noite a "barra libre" da que alardea o señor Armando Blanco....

en fin, foi tan intenso o pleno, que non sei como poñerlle fin.... así que me vou a apropiar tamén eu da sabedoría allea.... déixovos cun decálogo que non atenta contra a liberdade do bilingüismo....

DECÁLOGO DO APROVEITADO (por Juan Carlos Vicente Casado: non o busquedes no censo, non é de Teo)

1. atribuirás a outros as túas intencións ou desexos, para que sexan satisfeitos

2. nunca te enfrentarás ós problemas. que o fagan os que te queren

3. darás por suposto que as cousas se han de facer como ti queres e esixirás o seu escrupuloso cumprimento

4. esforzaráste por crear, detectar, publicar e ridiculizar os erros de todos aqueles que te rodean

5. culpabilizarás ós demais dos teus fracasos e fallos

6. atribuiraste os méritos dos éxitos de outros

7. non falarás nen escoitarás máis que aquilo que te beneficia

8. cando teñas que pedir algo, faralo de forma indirecta

9. socialmente, aparentarás ser humilde, xeneroso e esforzado para consegui-lo ben dos que te rodean

10. farás ver a todo o mundo que eres a víctima inxusta dos que se relacionan contigo

estes dez mandamentos resúmense en dous: só ti decidirás o que está ben e o que está mal, e nunca darás a cara máis que para atribuirte os méritos dos teus éxitos e dos alleos

cada quen que o lea como quiera.... ou poida

"a cara descubierta"

2009-02-07T09:52:00.006+01:00

confundir: pensar equivocadamente que [unha persoa ou cousa] é [outra] / facer que [alguén] tome unha persoa ou cousa por outra / xuntar ou mesturar [unhas cousas con outras] de xeito que non se distinguen ou non se entenden / perturba-lo espírito de [alguén], deixalo sen saber qué dicir, sen poder reaccionar // Ser [algo ou alguén] imposible de distinguir, por estar xunto ou mesturado con outras cousas ou persoas con que ten relación, pola súa complexidade, etc./ tomar, dicir ou facer unha cousa distinta da que ten que ser en realidade, da que debe ser ou da que se pretendía

.... non, non é un filme póstumo de Hitchcock??

é a realidade escrita deste concello.... rostros tapados antes, durante, e despois do entroido.... e ben grandes teñen que ser as máscaras, porque xa hai que ter cara para criticar a quen escribe baixo un pseudónimo firmando dita crítica co nome de Anónimo..... tanto Anónimo no concello.... como farán nas mesas electorais para non confundirse ó tacha-los nomes dos que xa votaron??

e deben ser todos xente nova, porque se foran "xente de antes" teríanse que chamar "María Anónima" ou "Anónimo Xosé"..... non creo que o cura os quixera bautizar cun nome seco tan pouco "santo".....

de cada vinte que escribimos blogs e/ou nos blogs, debe haber dous e medio que poñamos o nome; e deses dous e medio, como mínimo medio pon un nome falso.... así que de valentías e bravuconadas sobre o anonimato alleo, voume a permitir o luxo de dicir que son das poucas ("pouquímas") que pode falar....

claro que hai outras cousas das que non podo presumir, coma de ter unha morea de comentarios no meu blog.... visitas algunha, si, pero comentarios.... nada, chico!! (iso de solicitar algún tipo de identidade....)

creo que vou empezar a comentar eu firmando como Anónima I, Anónima II, Anónima III,.... ( o dos números é por darlle algo de variedade ó asunto, nada máis).... o que podo facer é poñer un comentario en castelán ás 12: 07, e outro en galego de libro ás 12: 28, e outro coma imitando a gheada, pero ó bruto, así, con "jota" e todo, ás 12:54.... bueno, mellor ese o deixo para as 18: 23, así non sospeitan de que poida ser a mesma persoa,..... jijiji, son lista, verdade?? ben, vale, é certo non son lista, senon "listilla"....

os insultos vounos escoitar de quen sexa, porque ante a ignorancia pouco hai que facer; agora, o reclamo de autoría, non é aceptable que veña de un anónimo.... deixémonos dunha vez de credos de curas: HAZ LO QUE YO DIGA, PERO NO LO QUE YO HAGA

A ver se nos imos enterando que aquí todos temos os mesmos dereitos e as mesmas obrigas, que o que queira que lle laman o cú contrate a alguén que esté disposto a cobrar por facelo.... e os que se están adicando a lamer cús gratis, que non sexan parvos, que hai xente que cobra por facer iso!!

e seguindo cos insultos.... agora andan comparando por aí ás mulleres coas que non están de acordo con Margaret Tatcher.... ben, eu tamén penso que hai figuras políticas en Teo que se parecen bastante a persoaxes "da talla" de Hitler e Franco....

imos ver: se o qe está mal feito non é critiar aquilo que cremos que está mal feito, senón atribuirllo a quen non o fixo: considerar a Ana Botella dende "mala persoa" a "mala política", pode deberse a que un ten criterio propio, non a que un sexa machista; agora ben, atribuirlle o que fixo Hitler a súa nai (quizais por parilo), ou a algunha amante, ou a calquera outra fémina, só polo feito de ser fémina.... pois roza a enfermidade mental

eu son parva por considerar o ataque contra mulleres basándose en COUSAS QUE NON FAN coma un feito machista.... pero aínda hei de prefirir ser parva (e veña insultos!!!) a padecer unha enfermidade mental que faga que non saiba controlar a miña persoa.... prefiro ser parva e autónoma a estar controlada "polas voces alleas á miña persoa".... pero como case todo nesta vida, é cuestión de preferencias....

non me deixa de resultar curioso iso de que insistan tanto en que "o autor" do blog de tamensomossocialistasdeteo sexa muller (e máis de unha: normal, unha muller soa non pode pensar e escribir o mesmo tempo); que pasaría se a min se me dese por dicir, por exemplo, que a tal "Santa", declarada muller, socialista e liberal, non é muller, senon un home?.... seguramente se me chamaría mentireira, falsa, puta, merdenta e delincuente, por afirmar cousas sen poñer probas enriba da mesa.

dáselles tamén por dicir unha e outra vez que "as" "autoras" de blogs e comentarios varios son traballadoras do concello; que pasaría se a min se me dese por dicir que a autoría deses comentarios (varios, varios, varios) cheos de insultos en diversos blogs, pertencen a algún traballador do concello?.... seguramente se me chamaría mentireira, falsa, puta, merdenta e delincuente, por afirmar cousas sen poñer probas enriba da mesa....

la doble moral.... ai, Jesús, canto mal fixeches!!!! (si, ademais de mentireira, falsa, puta, merdenta e delincuante, son atea, pero aínda así teño nome)

nota aclaratoria: eu cando me cabreo non escribo entradas no blog, senón que agarro o cuchillo de mata-los porcos e mato socialistas, porque como "son nacionalista", e iso é o que fan os nacionalistas cabreados...

a algún gustaríalle crer que ler determinadas cousas me cabrea e que por iso fago entradas novas; sinto dicirlle que esas cousas non me cabrean: dame pena que unha persoa adulta aínda non conseguira desfacerse do seu egocentrismo, e que se siga comportando coma un meniño enfurruñado porque non lle deron a alcaldía; entendo que sexa outra das proxeccións: ó saber que o que puxen na miña anterior entrada é certo (que se sinten ofendidos porque os "máis burdos e burros" ca eles, "menos competentes intelectualmente falando", son capaces de rebatirlles coa palabra) vólvense tolos e empezan a escribir e escribir e seguir atacando.... pois direilles que os burdos e burros (perdón, burdas e burras), sen deixar de selo, seguen a estar un escalón por arriba, porque non só lles respoden coa palabra, ademais pódenlles sen ter que recurrir ás palabras-insulto, algo do que eles aínda non son capaces....

direi tamén que, que eu saiba, o verdadeiro autor do blog tamensomossocialistasdeteo ten traballo, e non ten moito que ver con traballar nunha galescola, creo, así que non creo que as defenda ou deixe de defender por querer un posto nalgunha delas; claro que se o comentario ía referido ás "supostas" autoras de tal blog, e non ó autor real, e por se lles dera por pensar que unha delas son eu.... dicirlles que, gracias, pero nen me formei nen me formo para traballar nunha gardería (nen galescola nen non galescola), un ten que ser quen de recoñecer as súas limitacións, e, ademais de non querer facelo, non serviría para iso.... alguén máis se anima a "recoñecerse"?? veña, que levante a man quen non serviría para alcalde!!!!

igual de triste é que haxa quen confunda a identidade co nacionalsocialismo.... alguén que realmente teña unha personalidade completa non pode confundir ditos términos de semellante maneira, porque a identidade é necesaria para completarse a persoa como tal (e ter identidade non quere dicir ter carné de indentidade, non nos confundamos, eu non son nen máis nen menos galega que un que use carné galego e non español, nen son nen máis nen menos española que un angoleño que teña nacionalidade española..... a identidade non se mide nen se compara: tense ou non se ten).... e é necesaria porque de non tela, a persoa atópase desarraigada e perdida.... e a identidade, non nos confundamos, non se traduce nen se define por un xentilicio.... son máis cousas: todas igual de necesarias.

e unha cousa é defender que cada persoa teña dereito á identidade, e outra moi diferente é empregar o tema da identidade (case sempre a propia) para cometer delitos contra os dereitos humans

claro, que como defendín que a Xunta fixese cos seus cartiños a gardería en Teo, e que así os cartos de Teo se poidesen invertir noutras necesidades, iso explica claramente que son nacionalista, (teño que busca-lo carné nacionalista para ir votar, non vaia ser que non me deixen se non o levo), e que a pesar de non ter estudiado Educación Infantil, nen nada similar, queira ter un posto na galescola....

e se pido que arranxen a estrada de Texexe ha de ser porque quero un posto nunha empresa de asfaltado.... lóxica pura e dura....

debe ser que como non creei unha entrada para falar de "oposicións amañadas" debo estar a favor de que as oposicións se amañen.... e como non fixen unha entrada nen a favor nen en contra do acontecido en Palestina, é sen dúbida, porque non teño opinión sobre o tema; igual que non me interesan nada a contaminación, as leis da SGAE, o cambio climático, as mortes en Guinea Ecuatorial, a deforestación do Amazonas, a portada en El Mundo da portavoz do PP, o cancro de mama, a música, o analfabetismo, as desigualdades económicas e de dereitos entre "mundos", a enerxía, o cinema español, a menciña asiática, a literatura clásica, o aumento do paro, a inmigración, a drogodependencia, as mortes dos diamantes, a SIDA, a cultura árabe, a extinción do diablo de Tasmania,.... etc etc etc.... non me interesa nada neste mundo (tranquilos, agora non é cando me pego o tiro, xa vos aviso con tempo), porque como non escribo de nada neste blog..... todo aquilo sobre o que non escribo neste blog, para min non existe....

.... pode ser iso, ou pode ser simplemente que este blog naceu contra un ataque e seguirá referíndose a ese mal, mentras o mal dure.... o resto dos temas, se non vos importa, falareinos con quen eu queira e onde eu queira.... xa sabedes, política de bares (por certo, se vos importa, xa o sinto, pero disque iso non vai cambiar, aínda que máis de un quixera; aínda así: si, opino)

"sexades quen sexades", intelectuais almas ocultas.... téñovos que agradecer o feito de "ter provocado" esta entrada.... non sabedes o ben que o pasei escribíndoa!!!

nota práctica: en comentarios imitando "el burdo gallego con gheada", é recomendable omitir citas en latín

falar por falar

2009-02-01T11:55:00.005+01:00

lingua morta: aquela lingua que xa non é a lingua materna de ninguén. a partir dese intre a lingua xa non segue o camiño normal da evolución e desenrolo que acontecen ó longo do tempo das linguas vivas

hai políticos que se adican a enche-las listas electorais de xente morta e hai outros que, ante a impotencia de tratar cos vivos, se adican a monologar en linguas mortas

unha das críticas máis grandes que se lles fai ás galescolas é a do idioma: o galego. están os que queren só galego; están os que só queren español.... na miña opinión o idioma ten dúas funcións básicas: unha reside na identidade, a outra no "entenderse"; na identidade como parte dunha cultura e tamén como elemento que nos permite ás persoas socializarnos, é dicir, formar parte da comunidade na que vivimos; o "entenderse".... bueno, suponse que a comunicación é a función primeira das linguas, non?

é polo primeiro dos argumentos (a identidade) que non entendo por que posuíndo un idioma propio o temos que esconder e/ou olvidar. non creo que en Alemania haxa polémica porque nas escolas se lles fale ós cativos en alemán, nen en Francia en francés, nen..... aaaaah, claro, é que eses son países!! non o lembraba!! Galicia é "só unha comunidade", e se ensinamos galego ós nosos fillos, o máis seguro é que queiran independizarse!!! (e non me refiro a marchar da casa antes dos 40)

é polo segundo dos argumentos que non entendo por que cando "alguén de fóra" lle pregunta a "alguén de dentro", por exemplo, como se vai á catedral (que orixinal son!!), o de dentro lle contesta no seu idioma, aínda sabendo falar o idioma do outro, e ó ver que non lle entende, volve a repetir operación contestando no idioma propio sabendo que así non lle soluciona o problema ó outro. a min gustaríame atoparme cun sueco e saber contestarlle no seu idioma, cun chinés e falarlle no seu idioma, cun rumano e falarlle no seu idioma....

pero iso depende das ganas que teña un de entender e de facerse entender

forma parte da cultura de cadaquén o saber onde se atopa e saber como comportarse nese lugar/momento no que se atopa. neste sentido, está demostrado que as titulacións pouca cultura dan

nen os xestos, nen os recursos da linguaxe que se empregan nun bar, por exemplo, son os mesmos que os empregados nunha conferencia sobre a "sopa do pacífico"; un non escribe un libro para nenos empregando os términos propios dun manual de electrónica....

en fin, que para empregar dun xeito máis ou menos correcto a lingua, habería que considerar alomenos dúas cousas: unha é a que público se dirixe un; a outra, que intencións temos de facernos entender

hai políticos acostumados a que a súa labia hipnotice ós demais e se deixen levar, aínda que detrás da lingua morta que empregan non haxa significados, senón baleiro

acontece que cando eses políticos se atopan con que non todos os oídos son xordos, nen crédulos, cando se decatan de que non tódolos parvos son igual de fáciles de enganar, vense impotentes, porque descoñecen a arte do convencemento a través de verdades (mal que doian).... vense perdidos.... e reaccionan case sempre máis mal que ben.... din que a falta de "pensamento alternativo" (o que nos permite imaxinar o maior número de solucións posibles a un determinado problema) nos volve irreflexivos e agresivos....

hai enfermidades que consisten en proxectar nos demais os males propios

eu son muller, e non teño ningún complexo de amputación de membro, aínda que Freud insistira niso; non me considero nen máis nen menos que NINGUNHA PERSOA, e dentro de persoa inclúo agora mesmo a tódolas mulleres e a tódolos homes, aínda que para saber se esa "inclusión de todos" é axeitada habería que valorar caso por caso.... hai quen ten máis desenrolada a súa faceta animal que a humana

e como non teño ningún problema coa miña condición, vou a permitir que os demais tampocuo os teñan: é dicir, se o autor do blog de "tamensomossociaistasdeteo" di que é un home, eu non teño por que dicir o contrario (digo eu que coñecerá a súa condición de xénero bastante mellor ca min), a non ser que poida demostralo

e se, sen poder demostralo, quero dicilo, aclararei que se trata dunha opinión, e non de que "o outro" minta ou posúa unha ou outra patoloxía

por que me meto nesto? porque nese grupo tan amplio de mulleres que puidera estar sendo acusada de levar dito blog, entro eu. son unha das moitas que foron insultadas e/ou acusadas de feitos e comentarios que nunca cometeron; e coma neste novo, e sen embargo repetitivo, ataque, se volve a falar "delas" ("que todos saben quenes son", debe ser por iso que non especifican, pois eu son unha burriña e pediríalle que na próxima "latinada" especificase nomes para saber se me teño que sentir aludida ou non) non se aclara a quen se refiren, teño dereito a dubidar de que poida estar incluída "no grupo" (outra vez)

é curioso como sempre é "un grupo" (de mulleres) o culpable.... hai mentes incapaces, e por ser incapaces deciden que tódalas demais mentes son igual de incapaces, e que non poden levar a cabo actos independentes e individuais. é curioso coma todas esas mulleres ás que se atacou en diferentes momentos son, na súa maioría, alleas as unhas das outras: non comparten nen aficións, nen tempo, nen ideas políticas.... e sen embargo métense a todas "nun saco".... o que demostra que as mentes incapaces só poden pensar en dualidades, neste caso: o grupo dos que están conmigo e o grupo dos que están contra min.... non lles entra na cabeza que haxa máis opcións (de novo a falta de alternativa).... debe ser o sentimento de superioridade, a costume de que todo-dios faga o que un diga..... chega o momento no que ese un cre que todos os demais carecen de iniciativa propia, de ideas propias, de autonomía....

xúntanse moitos factores: a perda de adeptos, a necesidade de novos recursos, a incapacidade de satisfacer esa necesidade, que outros teñan o que un quere, que a un lle rebatan coas mesmas armas: a palabra, que os que sexan quen de rebaterlle pertenzan a unha "clase intelectual" inferior, pero aínda así o fagan mellor, por achegarse máis á razón que ó desvarío.... e ante a realidade, é tan lexítimo rendirse coma loitar; pero non é igual de lexítimo loitar cos méritos propios como base que tentando avasallar tanto ós que se deixan coma ós que non

aqueles que deciden adicarse ás linguas mortas para dirixirse ó "pobo chan", para marcar a diferencia de estatus cos pobres mortais, deberan quizais, no seu afán pola recuperación do clásico, botarlle unha ollada ás virtudes gregas.... e empezar a practicar....

xa sei que iso implicaría adicarlle máis tempo "á cultura" que á autocomplacencia (o que algo quere, algo lle costa), pero a fin de contas, tempo é o que lle hai que adicar á cultura, e non cartos.... e senon, que llo pregunten á concelleira, que algo ha de saber....

pd: entre as virtudes gregas está a da equidade, e poderíase comezar por aí. non pagarlle a quen fai un traballo e pagarlle a quen non o fai pode non ser de todo xusto, e cunha familia real, alomenos polo de agora, chéganos e sóbranos

na práctica non

2008-12-31T10:21:00.004+01:00

democracias: forma de goberno na que a soberanía pertence ó pobo, que elixe os seus representantes mediante eleccións libres. / estado organizado segundo esta forma de goberno (JA, JA, JA)

este mes non fun ó pleno (aclaro isto para que non se me acuse de acusadora sen probas -perdón por repetirme tanto, tanto, tanto-, para deixar claro que vou a falar en base a suposicións e opinións persoais), sen embargo, voume a atrever a dicir que o señor representante do partido socialista obrero español de Teo (e tendo en conta os asuntos levados a pleno, en particular unha 'moción por duplicado', e os resultados sinalados na prensa -esa grande inimiga-) se apropiou da palabra DEMOCRACIA unhas 15 veces (considerando que se tratou dun pleno de curta duración)

e eu pregúntome se non debera ser ilegal a perversa práctica sacerdotal de "haz lo que yo diga,y no lo que yo haga"

de tódolos xeitos, pouco importa que non poña en práctica esa democracia á que tanto recurre, porque democracia non é un bo sistema (agora veñen os comentarios de "estas tías son unas zorras comunistas" -sempre en plural, é que debo valer por dúas, por tres, por seis....-, "estas tías son unas rojas hijas de puta"..... etc. etc. etc.; ben, pois cando acabedes coa ringleira de delicadezas podedes seguir lendo se queredes)

a democracia, coma tódolos demais sistemas políticos, é un mal sistema. na práctica aínda ningún funcionou

proba delo (da democracia práctica) é a guerra de Irak, por exemplo, onde as urnas deron lexitimidade e onde a maioría foi tratada como minoría, é dicir, como aquilo que non se ten en conta

iso de "a soberanía pertence ó pobo" é mentira (falo de realidades, non de desexos). e proba delo en Teo é que a dereita pretende mandar cando o pobo votou na dirección contraria, ou alomenos, iso pensaba o pobo que votaba cando metía na caixiña "transparente" papeletas do bloque nacionalista galego de Teo e do partido socialista obrero español de Teo

{-de partido ten pouco, xa que un partido supón a participación de tódolos seus membros

-de socialista ten menos, porque a igualdade require, para empezar, os mesmos dereitos e as mesmas obrigas para todos; e a actitude dos últimos tempos da cabeza pensante deste grupo ó que me refiro deixa claro que o dereito a opinar só o ten el e a obriga á verdade, tódolos demais

-de obrero, nen a funda: para non mancharse, o mellor é non facer nada

-de Teo, ten o nome

-por sorte, para salva-lo nome, é moi español, moi monárquico (polo menos dende que deixou de ser 'antimonárquico declarado' para requerir a presencia sinalada do rei no cuarto dos plenos), e quizais moi románico tamén.... nada me sorprende xa....}

como dicía, en Teo a xente votou por un lado, pero nos plenos os concelleiros demostran ser na súa maioría do outro lado.... como é isto posible nunha democracia na que a "soberanía reside no pobo"?? a quen debo votar nas próximas eleccións se quero que goberne un grupo de esquerda?? á falange española??

seica volveu a haber ameazas de "moción de censura".... esto comeza a ser coma o conto de "pedroochosco" ou do "apalpabarrigas". en política, na miña opinión, fálase moito e faise moi pouco.

está moi ben que protesten porque o grupo de goberno decidira levar adiante o seu plan de proxectos para invertir os "cartos de Zapatero" (porque son de Zapatero, non?) e non permitir a votación de "a" proposta dos grupos maioritarios da oposición (digo "a" non referíndome a unha proposta singular por parte de cada un deses dous partidos, senón referíndome "á" única proposta, a mesma, presentada dúas veces, unha por parte de cada un deses partidos); está moi ben que protesten porque no concello de Teo se actúe dese xeito, e deberían extender a súa palabra cual discípulos del "señor" ós outros concellos, nos que resulta que o mesmo tema vai ser decidido polo goberno do mesmo xeito: sen levalo a pleno.... todos ilegais! todos ilegais! todos ó xulgado!

falar está moi ben, pero en política deberíase empezar a facer: eses dous partidos que duplican mocións, que "soñan cos mesmos proxectos para Teo", deberían face-la moción esa dunha vez e deixarse de contos de nenos, deberían facer o que xa fan, pero de xeito "oficial"..... ai, espera, agora teñen que agardar a que pase marzo....

temos que aguantar que nos vendan a legalidade dos bombardeos; temos que aguantar que o rei nos chame bestas coa escusa de que hai que tirar do carro; temos que aguantar que os nosos votos sexan interpretados, e non lidos; temos que aguantar abstencións ante a violencia; temos que calar e obedecer para ser considerados boas persoas e bos cidadáns: como carallo imos ter un feliz ano novo?

ilegalidades legais

2008-11-30T19:32:00.004+01:00

amigo: que está unido [a outro] por un trato de afecto e confianza. / persoa que mantén unha relación de afecto e confianza [con outra]. / persoa con quen [alguén] mantén relacións amorosas consideradas non lícitas pola moral tradicional ó estaren fóra do matrimonio. / ser amigo de: sentir ou ter afección ou inclinación por algo. / ser partidario de

legal: que é conforme á lei, que é establecido pola lei. Emprender accións legais contra alguén./ lexítimo./ por ext., que non engana ós demais, que é digno de confianza [persoa]. / SIN. honesto, honrado, leal.ANT. falso

pragas: calamidade pública, gran desgracia que afecta a toda a xente dun lugar./ cousa ou persoa nociva ou moi molesta. / grande cantidade de algo nocivo que afecta a persoas, animais e, en particular a agricultura

ocorréuseme unha idea (aforrade os comentarios graciosos) na que podíamos gastar esa enchenta de cartos que temos no concello: facer unha película!!!

temos actrices e actores bastante bos, temos macacos para unha peli de animación, temos heroes cheos de medallas, temos ós "protas" e ós malos en continuo movemento, temos fantasmas, autómatas, "xentes doutros planetas", e se contratamos a Fraga, ata mortos vivintes....

contamos con lingüistas suficientes para correxir os guións; incluso nos poden dar , antes de comezar a rodaxe, algún consello sobre que lingua a empregar, cal é máis ética e cal máis maléfica. algúns destes lingüistas xa rondan polos blogs establecendo a súa moral lingüística: é curioso como o emprego dunha lingua resulta aceptable e aceptado cando as verbas veñen dalgúns, e sen embargo, non é admisible cando veñen doutros: que o señor Jano Leis sexa castelán falante e se note que se ve obrigado a fala-lo galego polo seu papel dentro da política (un papelón, por outra parte, toda unha mostra de interpretación), e que iso afecte negativamente á súa sabedoría dialéctica ó empregar mal, por exemplo, os tempos verbais, e ó inventarse palabras coa traducción directa (pensamento-fala).... , como dicía, que o señor Jano teña como lingua materna o español non é causa suficiente como para etiquetalo de "tal" ou de "cual"; que outra xente escriba en español, sen embargo, parece molestarlle a algunhas persoas de tal maneira, que non poden evitar facer contínuos comentarios despectivos ó respecto nos distintos blogs.... "querida escritora en castellano...."

sóbrannos argumentos.... dende unha peli de terror no cementerio ata una historia de amor-odio entre os principais protagonistas; dende unha peli de mafiosos ata unha de aventuras e desventuras: "buscando os papeis perdidos"; unha peli defendendo algunha causa xusta, "salvad al funcionario", ou un documental sobre especies en extinción ou sobre algunha praga.... eu decantaríame por algunha causa xusta: a solidaridade fai que a xente se emocione, e ata que choren.... por poñer un exemplo: non se vos cae a alma ós pés ó ver que uns pobres inocentes que firmaron uns papeis que non entendían a cambio duns tristes billetes de cincocentos poidan verse nun xuzgado?? se eles non sabían nada!! de feito, ocupaban cargos para os que non era necesario saber nada!! eles só oupaban cargos.... calquera cargo (mellor un con responsabilidades, porque neses cóbrase máis).... eles, que se esforzaron tanto en pasar unhas dificilísimas probas.... espera, que rebobino.... non sei se isto colará.... nas pelis de solidaridade hai que forzar a lágrima.... pero creo que a través da pena, non da risa.... e que pretendan obrigarme a sentir empatía por un que á súa vez pretende pasar de ladrón a parvo moita pena non me dá.... ocupaban cargos que non lles correspondían, aproveitábanse deses cargos que non lles correspondían en detrimento dos dereitos dos teenses, e agora resulta que me teño que solidarizar!!! os que piden esta solidaridade deberon ser os mesmos que a pediron no caso que tanto comentan agora.... ese doutra traballadora sobre un acoso.... estaban todos (e sobre todo, todas) alí, para apoiala, non?? pois NON. os que tanto apoio piden agora para os "compañeiros" daquela estaban firmando un papeliño para deixar claro que a "suposta acosada" mentía.... (volvendo á violenxia de xénero, a frase de "algo faría"....)

un xa pode roubar o que queira, xa pode ser todo o cabrón que queira, que para os "amigos" sempre será inocente.... (léanse as distintas acepcións de amigo, para non interpretar a incorrecta). resulta que o que xa pasou polo xuzgado son "supostos acosos" a traballadoras; pero cando as acusacións van dirixidas a aqueles que se encargan de facernos parte do traballo suxo (xa sabedes, "amigos", dos que interesa ter) o que se supón é a inocencia. comparación de casos: abuso laboral e machista contra petición de explicacións ós que firmaron papeis a cambio deses billetes de 500.... está claro que aquí o funcionario perxudicado é o que (presuntamente) recibiu billetes de 500, e a funcionaria lianta e manipuldora é a que recbiu o acoso laboral..... non me extraña que logo se absteñan en mocións referentes á violencia de xénero.... nótase a man igualitaria das novas "membras" da executiva socialista teense....

en conclusión, argumento final: .... eles eran uns mandados que, ademais, non distinguían se as súas accións estaban ben ou mal feitas (hai tantos deses por aí....), e os pobriños, non lían, firmaban, collían os cartos, e marchaban a seguir coa súa inocente e triste vida, mentras os miles de malvados veciños argallábamos cómo arruinarlles a vida.... así está ben??

e.... que decir dos críticos!! todos poderíamos exercer de críticos!! todos podemos xuzgar os resultados da peli, porque, ó fin e ó cabo, somos teenses, non?? aféctanos o que se conte na "nosa peli", non? .... ou hai que agardar a que o xuiz dictamine??

o máis importante: é que temos presuposto!!! nada máis e nada menos que SEIS millóns de euros.... SEIS MILLÓNS!!!! .... deus... cantas cousas de se deben poder facer con seis millóns de euros, non si?? parástesvos a calcular o que son en pesetas?? (pois non o fagades) .... e nós temos todos eses cartos!! ........espera, estanme a dicir que me esquecín do negativo....

penso que desta vez, antes do "ACCIÓN!!" vai vir o "CORTEN!!" (polo sano)

comezan as eleccións en Teo

2008-11-25T21:21:00.008+01:00

subliñar: facer unha liña horizontal por debaixo de [unha cousa escrita] para chama-la atención sobre ela. / chama-la atención sobre [algo que se di] mediante a entoación, a repetición, etc./ SIN. destacar, salientar.CF. insistir, recalcar

interese: actitude de ánimo de quen dirixe a súa atención ou se inclina cara a algo ou a alguén./ circunstancia ou calidade pola cal unha cousa esperta curiosidade, chama a atención ou resulta importante para algo ou alguén. / aquilo que convén ou pode beneficiar a alguén, en particular á persoa que realiza a acción ./ beneficio, proveito.

erro ou error: falta de acerto. / SIN. desatino, engano, equivocación, fallo, falta.

cheira a eleccións.

dende aquí abaixo somos conscientes do engano; vale, é certo, non sempre: ás veces deixámonos enganar porque nos interesa, outras porque non nos interesa movernos para protestar, e outras, sinxelamente, non vemos o engano. pero ese sí o coñecemos: o da labor do político; o do púlpito.... seica laico....; o da verba, o da verborrea máis ben, o da palabra fácil (á vez que inintelixible), o do disfraz, o dos valores repentinos

cheira a eleccións

imos a ser amigos durante unha tempada, vale?? .... ou facer coma que....

a ver, por onde empezamos.... polos rogos e preguntas? polas cuestións da necesidade (ou non) do carácter público dos pisos de protección oficial? polas diversas interpretacións da mesma realidade acontecida nas comisións? pola nova investidura? .... porque sabedes que hai novo concelleiro, non? .... si, son cousas que pasan....

pois si que deben estar indo ben as cousas en Teo.... porque se antes daba risa ir ós plenos, agora dá pena....

non se pode recurrir sempre ó mal que se fan as cousas, a que as cousas teñen que cambiar, e que a nosa maior aportación para ese cambio sexa unha moción que debera caer de caixón.... e que aínda así se fixo mal....

o meu resume do pleno vai a ser curto: os meus parabens a ASPAMITE, pero non pola cesión dos terreos (que tamén), senon por facer chegar a consenso a tanta xente tan dispar.

agora farei un punto e a parte coa retranca; non considero outros asuntos tratados en pleno menos serios que este, nen menos importantes, urxentes..... pero se houbo ó longo deste tempo actuacións pouco éticas pola banda dalgúns dos políticos de Teo, se houbo un uso esaxeradamente político doutros temas,.... chegado éste, a falta de respeto e seriedade por parte dos membros dos distintos partidos políticos de Teo non admite un trato posible a través da retranca, nen da ironía, nen do humor sequera.... atreveríame a dicir que non hai adxetivo que poida calificar o que hoxe aconteceu no pleno. (e mira que hai linguas ricas en vocabulario!)

como pode un grupo de persoas gabarse tan repetidamente a si mesmo polo simple feito de facer o correcto?? a única explicación posible que lle atopo a este feito é que durante todo este tempo, no resto das súas actuacións, souberan que estaban obrando mal, e por iso atoparan tanto mérito nesta. o logro non foi dos grupos políticos. o logro é de ASPAMITE. claro que, para unha vez que o fan ben, teñen que subliñalo, destacalo, salientalo, recalcalo, insistir tanto nelo....

eloxios ó consenso?? neste concello mellor eloxiar á causa que consegue dito consenso, porque ten que resultar enormemente complexo poñer de acordo a unha xente nun tema de dereitos cando teñen un concepto tan dispar da palabra "dereito"....

.... e explícome....

como é posible que en calquera concello "haxa que" (vai entre comiñas porque o infinitivo do verbo "haber", seguido da conxunción "que" ten carácter de obrigatoriedade, e obriga desto non había) levar a pleno tres textos diferentes sobre a violencia de xénero?

pois si, había que, porque resulta que "hai matices".

agora resulta que hai matices na violencia de xénero..... porque non é o mesmo que che rompan os ósos a que "só" che den unha bofetada; porque non é o mesmo que che chamen "puta" que "putita"; porque non é o mesmo que che digan que todo o fas mal que que che digan que non serves para nada.... non é o mesmo, non, "hai matices".... e xa, xa sei que os matices ós que os políticos se refiren na SÚA mesa de debate non teñen nada que ver con estes, que son moito máis serios e relevantes.... vaia: que son políticos....

coma sempre, o terror sae rentable. está claro que o terrorismo non beneficia á causa á que se adoita unir, pero é unha arma política moi útil, especialmente en época de eleccións. as culpas, os méritos, teñen máis valor cando se refiren a determinados asuntos..... o terrorismo é unha xoia política.... interesa que estea aí

o terrorismo de xénero, tamén. e non me vou meter nos intereses sociais (os intereses nunca o son para todos, aínda que debera ser así) da diferencia (violencia) de xénero, senón nos intereses políticos que fixeron que no concello de Teo non fora posible chegar a consenso no tocante ó que había que dicir sobre a violencia de xénero

queda tan bonita a iniciativa en prol das causas xustas; sobre todo as iniciativas individuais: "a min dóeme máis que a ti que os pobres pasen fame", "non, non, a min dóeme máis", "non, é a min".... eu, o individuo, o que máis.... que importantes seguen a ser as valoracións cuantitativas....

por iso se viron na obriga de insistir, unha e outra vez (xa sei que é unha redundancia, as redundancias na linguaxe tamén teñen unha función), no mérito do consenso sobor da cesión de terreos a ASPAMITE; dalgún xeito había que facer esquecer a desfeita do tema da violencia de xénero

alguén lle debería explicar a algunha xente que os matices do maltrato non son os políticos....

.... que se manifesta de moitos xeitos, non só con moratóns.....que o respeto ó outro e á outra se demostra tódolos días e en cada sitio: na casa, nos bares, no lugar de traballo.... no traballo tamén.... neste caso quizais fose unha afortunada coincidencia que o papa requerise a presencia dos "reales tercios" e non lle tocase ó señor Armando Blanco defender a moción que ben se podería dicir que versa sobre a iguladade da muller.... sería todo isto máis cínico do que foi.... se cabe....

.... alguén lle debería dicir a algunha xente que a violencia de xénero non dá lugar a abstencións.

españoles....

2008-11-20T20:04:00.001+01:00

Franco ha muerto....

....pero ha dejado un gran legado....

se queres entender esta entrada non leas a letra pequena, mira ó teu redor

Amando a Ames

2008-09-24T23:30:00.004+02:00

ostracismo: desterro político de dez anos de duración, ó que se condenaba en Atenas, no século V a.C. a todo aquel que se considera perigoso para a cidade / afastamento voluntario ou imposto das funcións públicas. 'o partido condenouno ó ostracismo pola súa heterodoxia'

chantaxe: acción pola que se pretende conseguir algo doutra persoa, baixo ameaza de revelar cousas que lle poden prexudica-la honra

3D: as tres dimisións ás que aspira(ba) o psoe de Teo, das cales só conseguiu unha, a do señor Pallas, un obstáculo no seu camiño á obstrucción do avance do municipio. a segunda dimisión á que aspiraba este grupo era á da señora Carmen Hermida, a través da eliminación do seu soldo probablemente aspiraran a que acabase renunciando ó seu papel dentro do Concello. por último, a dimisión do señor Rafael Sisto, que non se sabe moi ben se era un obxetivo en sí mesmo ou tan só un pasatempo....

este mes o señor Jano Leis volveu a tomar o papel de portavoz para facer patente o seu gran amor polo concello veciño, un lugar marabilloso onde todo funciona ben, 'un mundo feliz'.... Ames. polo menos, se a crise nos deixa moi mal e nos vemos forzados a emigrar (ou quizais ó exilio) a un lugar mellor, o noso destino non nos obrigará a un largo desprazamento.

é normal que o partido socialista de Teo optase por recuperar a elocuente voz do señor Jano Leis; é a máis adecuada para lucirse ante tanta cámara.... aínda que, persoalmente, prefería eses momentos nos que o portavoz exercía de portavoz.... ai, Jano, me gusta cuando callas, porque estás como ausente....

a verdade é que precisaban a súa artillería máis pesada para intentar convencer ó persoal de que ó concello lle ía a resultar máis rentable 'desfacerse' dunha concelleira que realiza un traballo cuns resultados demostrables polos sentidos (xa sabedes, a música polos oídos, o teatro polos ollos e os oídos, etc. etc. etc.) que castigar cunha pequena multa de seis mil euros (enténdaseme, para o meu peto seis mil euros non son unha cantidade pequena, falo en relación a esas cantidades maiores que recibe a oposición) ó traballo dunhas persoas que, de ter resultados palpables, estes están sendo demasiado discretos.

por sorte, ó pp de Teo o texto pareceulle 'político'; iso sí, en toda a moción do psoe de Teo, o pp de Teo só atopou un parragrafo con intencións políticas.... non sei se felicitar ó psoe por saber esconder as súas intencións ou se reprendelos por escribir sobre ficción e fantasía e adicar un só parragrafo á política....

como resultado da descuberta destas intencións ocultas da moción do partido socialista de Teo, esta non saiu adiante. pero durante a súa exposición e debate, descubréusenos unha cousiña: a bondade e a maldade, o correcto e o incorrecto, non dependen dos actos nen das consecuencias finais dos mesmos, senón do(s) seu(s) autor(es): poñer a andar un proxecto cultural inexistente está mal e débese castigar coa anulación dun soldo; non facer nen sequera acto de presencia no lugar de traballo é bastante bo, por iso se debe remunerar con non menos de 32.000 euros anuais.

pero hai máis:convocar á prensa é bo ou malo segundo quen o faga; ou reescribir as mocións no pleno e cambiar puntos das mesmas é lícito, ademais dunha mostra de responsabilidade, segundo a favor de quen se faga, e explícome: resulta que se o señor Armando Blanco (seica en nome do partido) propón modificar na proposta feita polo psoe de Teo sobre a baixada de 6000 euros a cada dedicación da oposición, de xeito que se faga unha baixada maior, a resposta do partido socialista de Teo, por boca do señor Jano Leis, é que 'houbo tempo para facer modicficacións e aportacións' antes do pleno; sen embargo, cando é o psoe de Teo o que propón algún cambio nas mocións presentadas polos outros grupos e ditos cambios son rexeitados na hora da votación polo grupo autor da proposta, trátase dunha completa e absoluta falta de democracia e de diálogo....

éche o que hai.... mentras non veña a peixeira

deixaría de asistir ós plenos se non fora porque asistir a eles me abre os ollos.... si, si, asistir ós plenos faime ver o parva que son. resulta que hai máis dun ano rexeitei un traballo nunha cociña porque o horario era de 17:00h a peche, sendo o peche sobre as 00:00h, as 00:01h, ou máis adiante (xa se sabe como son as cousas nalgúns sitios.... un sabe cando entra, pero non cando sae); e diredes, que fina, non, parecíache tarde sair ás doce da noite?? pois non, acontecía que dependía do transporte público, que non tiña maneira de chegar dende o lugar de traballo ata o lugar de residencia a esas horas. tonta de min, decidín rexeitar a oferta..... en vez de decirlles que quería o posto, pero que eu saía ás nove para coller o último autobús, se puxeran como se puxeran....

non ter como desprazarse é un motivo máis que suficiente para non estar no lugar de traballo nas horas de traballo, aínda que se cobren 38.000 euros anuais por elo.... a mobilidade é un dereito, non?

ademais, cobrar 38.000 euros anuais é unha gran responsabilidade.... en que usalos? hai xente que ata se desprende dunha parte nun acto puramente altruísta; está claro que desfacerse de 6000 euros anuais do propio e pretender que o outro se desfaga de todo un soldo é un acto de xenerosidade

nada, que nos plenos de Teo se aprende de todo.... dende dereitos do traballador ata como resolver os grandes enigmas da Historia....

a ver como se entende que digan que non pediron a dimisión do señor Rafael Sisto, cando afirman que o que si pediron foi a dimisión do responsable das obras das estradas da polémica.... e digo eu, ese responsable quen é?? o concelleiro de educación??.... ben, a verdade é que non falaron de dimisión do señor Rafael.... agora descubriron que unha comisión de investiación é un deporte máis emocionante e cambiárono polas dimisións....

debéronse enterar por aí de que se denunciaban o feito polo grupo de goberno coas obras como ilegal perderían, e pasaron de seguir dándolle voltas ó tema da ilegalidade; sen embargo deben devecer por ir a un xulgado, porque animan ó alcalde a que os denuncie a eles.... se se sente inxuriado.... é un método coma outro calquera para pisar un xulgado: por cumprir ese soño un pode cometer un asasinato, ou un roubo, ou convencer a unha segunda ou terceira persoa de que a denuncia.... os tres métodos son válidos para entrar nun xulgado....

o malo é se un perde e lle toca pasar a noite no calabozo.... triste y solo (no mellor dos casos).... pero con todo o tempo do mundo (iso si) para crear ou/e xuntar argumentos novos para cando toque voltar a pleno, porque empeza a cansar iso de que se empreguen sempre os mesmos....

eso de recurrir ó exposto no turno anterior, sen aportar informacións novas; aquelo outro de ler informes que o único que fan é corroborar á exposición do outro en vez de a propia; cambiar de tema nas propostas feitas por un mesmo e pasar de falar, por exemplo, da necesidade de reducir gastos á perversa idea do grupo muncipal de cederlle uns terreos á Xunta a cambio da construcción e administración dunha gardería.... espera, ou iso da gardería tamén estaba relacionado co de aforrar cartos??... ai, con tanto espectáculo circense de argumentos agarrados con pinzas (pódese dicir pinza?), non me estraña que algunha xente se fora do pleno dicindo que marchaba porque lle daba "vergüenza".... non era para menos, non....

o bo do partido socialista de Teo é a súa perseverancia: insisten en mocións que non son de competencia plenaria.... pero non porque queiran crispar, que conste.... e digo eu, como se lle pode atribuir a ninguén "prepotencia" cando se pretende establecer as ordes municipais, dispoñer sobre o xurídico, e se lle deixan, tamén sobre as leis naturais, e sen ter acadado sequera a metade dos votos dos teenses.... nen a metade nen unha porcentaxe que se achegue á metade....

claro que o ideal sería que o goberno accedese á votación sobre temas que lle competen a el, sobre todo nunha corporación onde do ostracismo ós únicos seres cun mínimo de dignidade e coherencia nas súas votacións se leva ata o límite, provocando a dimisión do persoal e a súa posterior sustitución por exemplares máis doados de guiar.... nun ambiente tal, o máis probable é que a votación saíse favorable ó(s) grupo(s) que o pobo non quixo que gobernara(n), os cales poderían acusar de incumprimento cos acordos plenarios ó grupo de goberno se este non se dignase a facer o que outros queren naqueles asuntos que lles competen a eles por dereito (de elección) -e dos cales acaban sendo os únicos responsables-....

é moi doado falar de democracia; só hai que pronunciar unhas sílabas.

quizais no sexa tan doado facer unha moción de censura, a pesar de que os seguidores a victoreen; ó mellor ós de máis arriba (xa sei que din que por riba de deus non hai ninguén.... pero eu son atea) non lles gusta a idea; ó mellor aqueles cos que habería que negociar para levar tal moción adiante piden de máis; ó mellor ata se trata da con(s)ciencia, que existe, e ve incoherente falar de democracia e pretender que goberne o que os votantes en democracia non quixeron....

que será, será....

pd.: este final tan pouco elaborado obrígame a compensar ó lector cun novo significado:

dialéctica-o: Armando Blanco

a todos os ilustres e ilustrados do coñecemento do voto alleo

2008-09-11T14:19:00.007+02:00

lembrar: ter presente na memoria [algunha cousa]/ volver ter na memoria nun momento determinado [unha cousa]/ facer pensar en [unha cousa ou persoa do pasado]/ facer que [alguén] se acorde de [algo] / ter presente na memoria [algunha cousa]/ volver ter na memoria nun momento determinado [unha cousa]

a todos os que carecen de ocupación e no seu tan longo tempo libre se dedican a meterse cos demais; a todos os que, non carecendo de ocupación, son tan inútiles realizando a mesma (e probablemente tódalas demais) que axiña se abuurren das súas tarefas e se adican a meterse cos demais.

A FAMILIA PORTELA (Ó COMPLETO) COLABOROU COA MÚSICA NA NOITE DURANTE TODA A SÚA EDICIÓN ANTERIOR, lémbrovos que daquela NON GOBERNABA O BNG. A FAMILIA PORTELA FORMA PARTE DA ASOCIACIÓN LÚA CHEA, XA DENDE A ANTERIOR EDICIÓN DO FESTIVAL. Lémbrovos que daquela NON GOBERNABA O BNG. A FAMILIA PORTELA ALÉGRASE DE QUE VOLVERA MÚSICA NA NOITE, aínda que - a pesar de - ademais de - gracias a, (e tódalas expresións que lle queirades poñer diante) agora goberne en Teo o BNG.

lembrar tamén que A NINGÚN MEMBRO DA FAMILIA PORTELA LLE PEDIRON NUNCA XAMAIS UN CARNÉ DE AFILIACIÓN A NINGÚN PARTIDO POLÍTICO PARA FORMAR PARTE DE NINGUNHA DAS ASOCIACIÓNS NAS QUE Ó LONGO DA VIDA DE CADA UN DOS MEMBROS DA FAMILIA PORTELA FORMARON PARTE, incluída a Asociación de Teenses pola Igualdade.

miña irmá Margarita, por exemplo, 'esa' que traballa no concello, cédeme (por ser aludida non comentario doutro blog) a lista de asociacións ás que pertence, así como as cuotas que paga en cada unha delas:

-Lúa Chea, cuota=0 euros. non lle pediron afiliación política algunha

-AGAFI, cuota= non lla cobran porque colabora como voluntaria, traballando como mínimo unha tarde por semana para a asociación. non lle pediron afiliación política algunha

-Médicos Sen Fromteiras, cuota=50 euros cada 3 meses (200 euros anuais). non lle pediron afiliación política algunha

-Teenses pola Igualdade. cuota=non paga a mínima, senón 50 anuais. Non lle pediron afiliación política algunha

-Asociación de Mulleres Rurais de Teo. cuota=12 euros ó ano. non lle pediron afiliación política algunha

lembrar, ademais que non só as fillas do carpinteiro Portela estiveron traballando para que volvese Música Na Noite, senón que tamén a súa muller e os seus netos colaboraron, e no hai que desmerecer o seu traballo, xa de poñerse a nomear a persoas concretas, FACEDEO BEN (aínda que sexa o único que logredes facer ben ó longo das vosas vidas).

lembrar que o que fixo nas noites do festival o carpinteiro Portela foi o mesmo que nas edicións anteriores (cando non gobernaba o BNG, nen o PSOE) de Música na Noite foi ocuparse da parrilla (algo que, por certo, non fai só nesta festa); do mesmo xeito que cortaba a carne a mesma persoa que o fixo nas edicións anteriores, e servían a carne as mesmas persoas que nas edicións anteriores (ás que lles hai que sumar os netos do carpiteiro Portela, que daquela, ou non naceran, ou non lle chegaban ás táboas que exercían de mostrador).

o carpinteiro Portela segue sendo socialista; a pesar de ser a súa filla, non coñezo o que alberga o sobre que emprega para exercer o se dereito ó voto cada vez que hai eleccións, pero como aínda non son xorda, oioo falar a miúdo, e como aínda non son roxelo, ademais de oílo, escoitoo, e saco as miñas propias conclusións. é por iso que sei que segue a ser socialista, e que lle segue a gustar falar de política, e probablemente lle gustaría seguir participando da mesma: MÁGOA QUE EN TEO XA NON HAXA GRuPO POLÍTICO QUE SE CORRESPONDA COAS SÚAS IDEAS (AS SOCIALISTAS) PARA PODER FACELO......

ata o de agora ó carpinteiro Portela ninguén lle impedira ter compañeiros e/ou amigos doutros grupos políticos, dende o PP ata o BNG (e máis); ninguén lle impediu colaborar naquelas actividades coas que estaba de acordo, estivesen tinguidas dunha ou doutras cores, nen a súa participación en tales actividades lle provocou xamais un cambio nos seus valores e/ou ideais políticos.

só agora, os que se din herdeiros do sentimeto revolucionario do 68, das liberdades, os que tanto enchen a boca con plabras como democracia, intentan censurar os seus actos e os de tódolos membros da súa familia. eu enténdoos. a impotencia (dende a física ata a intelectual) adoitan provocar actuacións impulsivas naquela xente que as padece, tras perder a un ser querido, tras perder un posto de traballo desexado, tras perder un sillón.... con todos os postos que un sillón pode arrastrar.... é normal que a impotencia (repito, física ou intelectual, ou ámbalas dúas) fagan buscar a felicidade que un considera roubada na desgracia allea.... cando un xa non ten forzas, nen ousadía para intentar mellorar como persoa, como traballador, como amigo (etc), só lle queda o camiño de desprestixiar ás outras persoas, traballadores, amigos (etc), para poder sentirse, aínda sabendo que se trata dun sentimento baseado na ficción, un pouco mellor que 'algún alguén' en 'algo'.

hai unha cousa que non entendo (ben , en realidade hai moitísimas máis, pero en relación a ese comentario que NOS deixaron no blog de taménsomossocialistasdeteo): se o autor de tal comentario é tan coñecedor das costumes dos Portela que 'sabe' que a 'filla que traballa no concello' é do BNG, como non sabía que toda a familia colaboraba no festival xa dende a anterior edición?? será que non é de Teo e non era coñecedor do festival?? ben, quizais, simplemente sexa tan novo/a que daquela non dera para máis entendemento.... ou non se lembre (pero digo eu, que se xa sabe empregar un ordenador, agora xa tería que ter máis entendemento, non?)

sen dúbida, o que se merece este gran 'avistador' que tantas cousas mirou no festival é un premio ben gordo, pola súa madeira de sufridor/a..... porque xa ten mérito pertencer a un grupo que se alegra de que arrinquen as pancartas que anuncian o festival, poñerlle veliñas e rezarlle ós santos para que chova os días do festival (a que escribe chegou a escoitar a frase: "oxalá lles chova toda a tarde e toda a noite" dalgunha xente), e despois ter que pasar polo mal trago de acudir a esa festa de 'traidores'.....

os bicos á bandeira, a verdade é que non sei se alguén llos deu. eu teño ben claro quen son e de onde (e non me meto nos problemas e carencias de identidade dos demais), sen ter que bicar bandeiras para saber iso.

e xa que estamos falando do festival, engado que hai algo que pode mesturar ó festival ca política e que aconteceu no festival, co que non estou de acordo: e é o feito de que subise a falar da volta do festival un membro do goberno local; así como lle agradezo a este goberno que traballase pola volta de Música na Noite, tamén lles diría que ese foi un acto que me sorprendeu de forma non grata; pero ese, se tivera sido con intencón política, sería a única influencia da política ó longo dos dous días, xa que as bandeiras, xa estaban aí nas edicións anteriores (cando non gobernaba en Teo o BNG)

pd.: a próxima vez que botedes de menos un comentario no meu blog, non tedes máis que dicirmo, non fai falla que vos fagades mala sangre inventándovos cousas sobre a xente, que para iso están os programas dos famosos.

lo tuyo es puro teatro

2008-07-31T00:18:00.005+02:00

pantomima: representación teatral na que os personaxes non se expresan con palabras, senón con movementos e xestos. / acción ou actitude finxida para enganar.

simbiose: asociación moi estreita entre dous seres de distinta especie, de xeito que ámbolos dous tiran proveito deste estado para o seu propio desen-volvemento. / asociación estreita entre persoas, cousas ou organismos, de xeito que se proporcionen beneficio mutuo.

non é por predilección miña que vos queira impoñer o tema do teatro unha e otra vez.... son as circunstancias as que mandan.... así que, véxome na obriga dedicirvos que: 'comenza a fundación'!!!

eles xa publicaron a peli en "versión 'orixinal'" (é dicir, a súa versión); eu intentarei traducir para a xente de a pé....

desta vez, só mencionarei a unha persoa, aúnica importante neste pleno: o guionista. hai que ver como traballa o guionista do concello; a este señor habíalle que dar un Óscar mínimo, porque facer que da boca do señor Armando saian determinadas palabras (aínda que as teña que ler) xa ten o seu mérito.... iso si.... aínda que eu falo castrapo máis que galego, intento na escrita esforzarme un pouquiño máis, así que me vou permitir o LUXO de dicirlle a este guionista, polo demais, ousado, que NO GALEGO NON SE EMPREGAN TEMPOS COMPOSTOS (fágase partícipe deste consello calquera outro guionista que así o considere preciso); xa que tantas clases dan por aí de normativa galega, voume sumar eu a iso da ilustración (que a min non me gusta nadiña o de "grazas", o da "z" por 'doquier', pero éche a normativa, e os que a defenden antes deberan informarse do que a normativa di).

como dicía, tivo unha gran intervención o señor Armando no pleno.... ou unha tras outra máis ben; o malo é que pasou de facer rir a provocar vergoña allea, e de aí, a dar pena.

sen dúbida a palabra do día foi a de "chiquilicuatre".... "chiquilicuatre" con todo o respeto, claro; "carallo" con todo o respeto; puido dicir 'eres un gilipollas, pero con todo o respeto'.... bueno, gilipollas non, pero 'burros' sí que lles chamou ós señores do grupo de goberno municipal.... só iso: como é moi respetuoso, non lles dixo iso de "que jeta tedes", esas son expresións vulgares que só empregan os aldeáns do bng.

e aínda lle di a Martiño que "a silla de alcalde lle queda grande".... e como non lle vai quedar grande, se estaba feita a medida do anterior (con todo o meu respeto).

o único bo que fixo señor Armando neste pleno foi recoñecer públicamente que as "súas mocións" veñen impostas polo partido.... para iso cobran unha dedicación exclusiva: para adicarse a non facer nada.... bueno, nada non, que len as mocións propostas pola directiva do partido dende fóra do concello

veuse ó longo da obra que a filosofía do psoe de Teo sobre a normativa de convivencia (esa de "esa normativa é boa porque a teñen outros concellos") callou nos demais grupos políticos da oposición, e agora resulta que ter un concello endeudado non é un problema polo simple feito de que hai moitos concellos que están endeudados.... senón todos.... pois moi ben!! logo teremos que quitarlle importancia a eses tres millóns de euros vermellos. e ós cartos tan ben gastados en viaxes a Tenerife (incluso fletando dous avións o mesmo ano por terlle feito a promesa da viaxe a xente que non se anotou dentro das datas pevistas e quedaron sen sitio), en comidas para os maiores (iso si son ctividades culturais para tódalas cores e tódalas idades!!), en parques de skate ou en firmas en cheques, que mirade se foron ben empregados que agora ninguén os recoñece como propios!

nada, que a este concello lle pasa coma a min: que a rica non chego e como pobre estou ben situada.... e seica o concello está ben situado así, con tres millóns de euros en débedas....

non sei nen para que se fan plenos, co ben que o deixaron todo os anteriores.... ai! espera.... si.... xa o sei.... os plenos fanse para que se entreteñan os do psoe de Teo.... seica na última asamblea deberon dicir: "todos ó pleno", e alá foron todos (e aínda así non o encheron). o que non dixeron é se ían a ver qué ben lía Carlos Rego ou se só ían para asegurar a reportaxe fotográfica do gran evento.

en realidade o señor Rego non só sabe ler, senón que foi o único do psoe de Teo que, ademais, falou. os demais membros do grupo ós que se lle oeu a voz neste pleno ou leron ou reproduciron o que lle dicían polo 'pinganillo' (canto xogo dá esta palabra!).... e aínda fixo unha cousa mellor que falar, e foi a de ausentarse do pleno antes de ter que participar da pantomima.

neste grupo teñen a imperiosa necesidade de que lles digan que "non" a algo para facerse as víctimas; así que levan a pleno asuntos que saben que NON SON DE COMPETENCIA PLENARIA; asuntos que xa se lles dixo que non eran de competencia plenaria, pero que podían ser falados, debatidos e discutidos en "rogos e preguntas"; o que pasa é que o señor alcalde xa lles aclarou que coa maior parte do contido desas "dúas mocións de urxencia" estaban de acordo, e claro, non lles intersa levar a pleno un asunto e que o grupo municipal estea de acordo con eles, o que queren é que estean en desacordo para poderse laiar.

e, por sorte, son xente precavida e xa levaban o 'texto protesta' preparado; así a señora Sandra non tivo que improvisar (a afonía do señor Leis impedíalle improvisar a el) e puido dicir de correctísima maneira que 'este goberno é dictatorial e que eles son hipermegademocráticos e por iso se ausentaban'. tantos anos protestando contra o goberno do señor Armando Blanco.... parece mentira que non se lles ocorrera antes isto de ausentarse do pleno en forma de protesta ante as maneiras do anterior alcalde.... ou será que realmente todo iso lles importa ben pouco??

tamén por sorte, a casualidade fixo que algúns dos asistentes levaran cámara de fotos ó pleno, e hai probas gráficas do que alí pasou.... da 'levantada' (dirase así o contrario de 'sentada', digo eu).

ese "veuse obrigado a abandonar o pleno para expresarse formalmente", referido ó grupo socialista de Teo e á súa actitude no último pleno (blog socialista de Teo) quere dicir, "veuse obrigado a abandonar o pleno para tapar o ridículo feito coa eliminación da moción tan anunciada e retirada porque estaba mal plantexada" (parece mentira, verdade? co listos que son todos e tanto que saben de legalidade, co ben que fan todo sempre, que anunciaran con bombo e platillo a súa moción sen informarse antes sobre se a poderían levar a cabo.... claro, como despois é doado queixarse de amputación en vez de RECOÑECE-LO ERRO....). porque estiven alí e vin claramente que non se lle obrigou a ninguén a abandoa-lo pleno; e porque o lugar para expresarse formalmente sobre os asuntos do concello é o pleno, non o bar de enfrente ó lugar no que se celebra o pleno.

vexamos pois, resumo do pleno: como sair en primeira plana sen gañar unha copa?? primeiro: facer unha proposta de NON competencia plenaria; segundo: recibir o aviso de que o asunto non é de competencia plenaria; terceiro: insistir na proposta pero xa ante público previamente avisado, porque os superheroes poden con todo, tamén coa lei; cuarto: levar preparado o 'kit espíritu do 68', que consta de texto protesta, 'grupis' con axendas apretadas o resto do ano, cámara de fotos (alomenos unha por cada dous grupis, de non ser posible, levar grupis con retentiva gráfica que posteriormente narren o acontecido).... píódense engadir pancartas ó 'kit espíritu do 68', pero quizais estas evidencien a intención anterior incluso á propia proposta de moción de urxencia, así coma dun ensaio previo á posta en escea; para quen non entenda: é posible que a pancarta faga que o acto en cuestión perda a espontaneidade que, sen dúbida, este si tivo).

noutras condicións diría que está moi ben que a xente nova teña esa capacidade de sentirse "revolucionario", pero esta pantomima é máis propia do señor Rajoy en simbiose con unha asociación moi concreta de 'víctimas do terrorismo', ou en simbiose coa iglesia católica apostólica e romana, ou en simbiose con calquera outro que lle dea unha excusa para pintar unha pancarta; xa se sabe que agora a 'dereita de centro' non ten escrúpulos para sacar á rúa o seu polo rosado a protestar (dá igual o tema).... dende que aquel ó que lle chamaban "pancartero", ou algo así, gañou unhas eleccións, eles recurren ó acto que noutra época despreciaban......

esta 'dereita de esquerda' que temos en Teo, dirixida pola man firme do señor Jano Leis tampouco dubida en emprega-lo 'kit espíritu do 68' nun ataque de sentimento revolucionario.... mais eu penso que a revolución mal empregada ataca á revolución. as revolucións, como as manifestacións, perden sentido se se empregan mal, en momentos non necesarios, porque cando fagan falla ninguén crerá nelas.

outro exemplo de revolución mal empregada no pleno: a votación do grupo socialista de Teo na moción presentada polo partido popular sobre as "fundacións". cando sabes que o teu voto é decisivo, posiciónate. se sabes que absténdote o punto sairá adiante (6 pp + 1 inteo = 7; 6 bng=6; 7>6), posiciónate a favor xa dende un principio; non contes o conto de que estás en contra, a menos que se lle engada un cambio á proposta feita se, unha vez que se vota a proposta sen facerlle ese cambio votas de xeito que a votación saia favorable á moción. se, sabendo o que acontecerá coa túa abstención te segues abstendo porque en realidade che importa ben pouco que saia ou non adiante, non te metas en política. nesta votación enganaron ata 'ós seus', que dende a tribuna auguraban un voto en contra.... así quedaron tras a abstención, nun silencio coma 'a copa dun carballo', que será menos alta que a dun pino, pero máis ancha que Castilla.

ante o medo de que o teatro se enchera, prepararon ben a 'fundación' (redios, que me pasará hoxe con esta palabra, que non me sae ó dereito!).... e imaxinade qué ben o farían que ata os seus, os 'familiares', que normalmente son os que aplaudan saia como saia a obra, marcharon.... (en sinal de apoio á protesta?? máis ben porque a soedade é o que ten, fai fuxir á xente)

aínda que se foron, todos os tivemos moi presentes ó longo da lectura da lista de 'rogos e preguntas': o máis emocionante desta parte, que o señor Armando e o señor Parajó protestaran de forma conxunta porque moita xente de fóra do concello usa as piscinas municipais sen que se lles cobre nada!!! despois de ter botado abaixo a tentativa do grupo municipal de normalizar o uso das instalacións deportivas e o cobro polo mesmo á xente de fóra do cocello!!! será que O GUIONISTA cometeu un erro ó facerlles ler ese punto??

pd.1: quizais a maneira primeira de reducir gastos sexa: eliminar as dedicacións exclusivas para os grupos da oposición que NUNCA houbo en Teo (máis seguía habendo grupos na oposición aínda que non cobraran por elo), concello que non se pode comparar ós limítrofes posto que non teñen as mesmas cantidades nas súas arcas (entre outras cousas), e eliminando o pago da asistencia a pleno (tanto ós plenos ordinarios coma a eses centos de plenos extraordinarios que propoñen os mesmos que despois TEÑEN A JETA de dicir que teñen propostas para reducir os gastos do concello).

pd.2: faría Jano folga de lingua caída ata que sexa alcalde tamén en xeito de protesta??? ai, señor.... estarei soñando??? igual son só 'problemas internos'....

música na noite

2008-07-22T23:01:00.007+02:00

volve a Calo música na noite......

despois de máis dunha década.... dise por aí que vale máis tarde que nunca....

na época na que naceu Música na noite, o folk e a música tradicional para a maior parte da xente non eran máis que un vello nunha aldea tocando a gaita de mala maneira....... Carlos Núñez aínda non levara as notas dese instrumento polo mundo adiante cos Chieftains, senon que andaba por aquí, precisamente por Música na noite, tocando con Matto Congrio; tampouco Mikel Oldfield se apoderada dos sons de Luar na Lubre....... vale que Milladoiro xa eran Milladoiro aquí e na China, pero a maior parte da música que se facía en Galicia era, para os propios galegos "gaiteiradas" (sabedes que é o ton despectivo?? pois engadídello a esta palabra neste contexto).

había uns poucos festivais en Galicia que trataban de manter e dar a coñecer este tipo de música, pero nen á xente nova se lle pasaba pola cabeza montar un grupo folk, nen había un mercado no que desenvolverse....

e aquí, ó lado da casa, tiñamos un deses poucos festivais.... pero claro, só se trataba de 'cultura nacionalista', é dicir, 'banco de votos para a esquerda nacionalista, é dicir, criadeiro de terroristas, que aínda por riba se emborrachaban (non coma nesas grandes festas patronais, ou verbenas de orquesta, nas que só se venden gaseosas, nen nas grandes comilonas, nas que só se serve zume...'. algo semellante a esto é o que se me ocorre que pensan/pensaban todos aqueles que non están/estaban de acordo con que se celebre/celebrara este festival.....

daquela fíxose o imposible por que Música na noite tivera un fin próximo.....

.......... este ano, volve Música na noite

dirán que calquera que colabore con este festival é nacionalista, ou amigo de Martiño, ou busca un favor do concelllo......

a asociación Lúa Chea non lle pide a ninguén carné de militante (de ningún partido) para facerse socio, nen para asistir ó festival, nen para colaborar con el........ non llo pideu nunca; é por iso que da asociación Lúa Chea formaban parte persoas con diferentes ideas políticas..... ou con ningunha idea política feita pública....
non será isto o que se diga...... e eu "serei nacionalista "(unha vez máis) por 'facer propaganda' desta festa, como xa o fun por dar a miña opinión sobre outros temas...... a mentalidade dalgunha xente non dá para máis: ou branco, ou negro; ou estás conmigo ou estás contra min.....

non sei se é a mesma xente que hai anos non apoiaba Música na noite a que agora se adica a arrincar dos pasos elevados as pancartas que anuncian o festival; sexan esas ou outras 'persoas novas', dicirlles que acudan sen medo ó festival, que os que tocan non son amigos do alcalde, que a festa é para xente de tódalas idades e tódalas cores políticas (non coma insinúan por aí os que comparan as actividades culturais que comeza a haber en Teo coas que NON había cando gobernaba o señor Armando Blanco, sinal de que acuden óa actos realizados na actualidade, para ter tanta información....).
vanlle vender de beber e de comer sexa do Barcelona ou do Madrid, vai poder aparcar igual que os do Sevilla, e terá posibilidade de bailar na herba, ir mexar e pedir 'outra' coma os siareiros do Bilbao.... outra cousa é que non queira ir....... pero se é así: lembrar de novo que AS NOSAS LIBERDADES REMATAN ONDE COMEZAN OS DEREITOS DOS DEMAIS..... e se o veciño do lado pode colgar unha pancarta anunciando que deixou preñada á da porta de enfrente e se casan, este festival pode ser anunciao no mesmo lugar público; se considera que non é lugar axeitado para poñer propaganda, que o denuncie, que iso de 'ir de avogados' está de moda....

rematando..... agradecerlle ó Concello que apoie a recuperación de Música na Noite, polos esforzos feitos para sacar adiante este reencontro, en colaboración coa asociación.... e dicir que me gustaría que a partir do ano que ven, a asociación Lúa Chea recuperase forzas e de novo poidese facerse cargo de toda a organización do festival....

lembrar que NON É OBRIGATORIO ASISTIR ÁS ACTIVIDADES ÁS QUE NON SE QUERE IR, SÓ PARA ANOTAR QUEN VAI OU NON, A QUEN LLE GUSTA ESA 'MÚSICA NACIONALISTA' OU NON, QUEN MEXA POR FÓRA OU NON

lectura conxunta: gaceta do psoe de Teo*

2008-07-02T08:00:00.003+02:00

inxenuo: que ten excesiva confianza nos demais e na súa boa intención, e que el mesmo actúa de boa fe [persoa]. Demasiado inxenuo para ser político (exemplo do diccionario, non meu) ./ cándido, miñaxoia, pánfilo./ que manifesta esa actitude ou calidade. / inocente

lin hai pouco un comentario no que se insinuaba que "alguén" lle tiña medo á gacetiña do psoe de Teo.... que eu saiba, os únicos que lle teñen medo á letra impresa son os "queimadores de libros".... aqueles que pretenden que os demais non lean, non vaia ser que teñan ideas, que saquen conclusións.... ou aqueles que censuran, non vai ser que as letras lles saquen a razón (da que case sempre carecen)....

o tridente.... como as partes incomprensibles da 'santísima trinidade', tres. acontece que dos tres grupos da oposición, un xuntou cartos e inxenio para 'editar' un folletiño coas súas 'ideas políticas'.... e entre as súas ideas políticas hai unha que consiste en considerar a quen non lle segue o xogo sucio como tránsfuga e a empregar e eses supostos tránsfugas para inventarse novos tridentes e coalicións segredas....

acontece tamén que hai coalicións ocultas e perversas se se vota a favor do grupo municipal; pero cando todos votan en contra do grupo municipal non é porque se reuniran en segredo os grupos que pretenden/pretenderon nalgunha ocasión a moción de censura, nen que haxa antes de cada pleno 'reunións' nas que se poñen en común as votacións para os puntos do día, senón por 'sentido común'....

que acontece, pois, con todos os puntos nos que o pp, o psoe e inteo votaron igual (a maioría, por certo), ou votaron de xeito que as propostas non sairan adiante (coa negativa duns e a abstención dos outros)? resposta lóxica que se le entre as liñas rectas da gaceta dos socialistas de Teo: son froito do sentido común, sen máis. resposta lóxica segundo o sentido común: son froito dalgunha 'posta en común' entre psoe de Teo e pp de Teo.

vólvese a falar na gaceta do PXOM; volvemos a falar logo aquí do PXOM: é certo que no pleno no que se tratou o asunto do PXOM o partido socialista de Teo lle falou ó grupo municipal das súas consultas a avogados que 'certificaban' que de pedir a volta do PXOM non se tardaría máis de 5/6 meses en solucionalo todo..... por certo, esa información presentárona directamente en pleno, sen pasala por comisión, para causar un impacto maior nos asistentes ó pleno, supoño, e chamar a atención dos mesmos (así coma do resto de concelleiros) sobre o seu gran saber e a súa profunda preocupación en que as cousas no concello saian ben.... 'aínda que sexan outros os que manden'.... sen embargo, meses antes, non dixo o mesmo Jano Leis nunha das asambleas socialistas, cando pensou en voz alta aquilo de que a ver se a Xunta aprobaba axiña o plan, antes de que eles gañaran as eleccións, porque xa non había marcha atrás, e se gañaban as eleccións (meus pobres!!!) con ese asunto a medias ían ter un gran problema....

como ben di a gaceta, uns erre que erre con taxas e ordenanzas que non había feitas.... (e claro, unha de convivencia cidadá é urxente, porque xa a teñen moitos concellos en España.... outras que regulen o funcionamento/uso dos servicios públicos, ruídos, vallas publicitarias, augas e sumidoiros.... esas, aínda que noutros concellos funcionen dende o principio dos tempos, non nos fan falla porque en Teo somos o suficientemente responsables como para vivir e pagar respetuosamente o noso sen molestar ós demais....); outros, erre que erre con asuntos que xa están en marcha (concesión de terreos ASPAMITE, máis policía para o concello).... como será que lucen tanto as propostas feitas polo partido socialista de Teo cando son as mesmas que fixeron outros antes e que os mesmos socialistas se encargaron de que non sairan adiante? será que lles votan o verniz este que empregan nas pastelerías para que os croissants de onte parezan de hoxe?

sen dúbida, Teo debería estar gobernando polo psoe de Teo, así sacarían adiante rúas e beirarúas poñendo cartos do seu peto.... como se entende senon que pretendan trasladar a Gran Avenida a Rarís sen tocar cartos doutros lados? cartos que, por certo, non se ían quitar de ningún proxecto non realizado, senón daqueles proxectos xa feitos con outra partida orzamentaria, ou que xa non se van realizar por incompatibilidade con terceiros proxectos....

agora chega o momento de introducir o termo 'miñaxoia, cándido, pánfilo....': pluralidade ideolóxica NON é falar en inglés!! nen sequera é 'saber latín'.... que entende o grupo socialista de Teo por pluralidade ideolóxica?? se non lembro mal son eles os que levan tempo asociando 'nacionalismo' a 'terrorismo'...., 'galescola' a 'nacionalismo radical', 'pluralidade ideolóxica' a 'bandeira de España' (debería ter a bandeira de Teo aguilucho??).... e estas son ideas bastante extendidas, pero ata o de agora só as escoitara de voces da dereita.... e dereita e pluralidade ideolóxica.... debe de residir aí iso da 'pluralidade ideolóxica': ideas que en Teo defenden tanto os da dereita como os que queren pasar por esquerda....

hai máis cousas que non me encaixan moi ben.... tránsfuga non significa 'ter ideas propias', nen 'non acatar as ordes sectarias do dictador'.... hai xente que pensa por si mesma, e iso é o que lle fastidia tremendamente a outra xente acostumada a que a sigan a cegas, a que lle deixen facer e desfacer sen criticar nen valorar se as súas palabras e/ou os seus feitos son os correctos, sen cuestionalos.... a cegueira é un problema ben grande, que nada ten que ver co órgano dos ollos, senón coa carencia do sentido de interpretación por parte do cerebro....

exemplo de interpretación confusa:

lendo os titulares da gaceta sobre os transxénicos a idea primeira que un lector interpreta é que negando os transxénicos o grupo municipal fai mal.... menos mal que me dou por ler a noticia enteira e vin que, ó fin, o grupo socialista de Teo apoiou dito punto (e ademais "por suposto" que o apoiou.... se é algo tan evidente que deba ser así, por que tanta volta se lle da ó feito de que o bng fixera dita proposta?); unha proposta ha de ser orixinal ou funcional para ser aprobada? porque o que se interpreta deste texto é que ó goberno lle falta orixinalidade nas súas propostas.... non sei, poderían empezar a propoñer que se estableza en Teo a primeira granxa estatal de elefantes mariños, ou que ós plenos os concelleiros deban ir vestidos todos da mesma cor, de pés a cabeza, e cada mes dunha cor diferente.... iso si serían boas medidas (por orixinais), e non as taxas e regulamentos e ordenanzas (funcionais de merda).

pero como todo neste mundo, a orixinalidade ás veces tamén depende dos ollos que a miren.... isto na actualidade pasa ata coa información!! explícome: se alguén di que 'o goberno local se nega a construir unha gardería se esta non é unha galescola', non está mintindo, nen sequera manipulando..... sinxelamente: é orixinal.... ou alomenos agardo que con esta afirmación o(s) autor(es) desta gaceta pretenderan ser orixinais, xa que o que acontece é que o goberno local NON TEN CARTOS para sacar adiante unha nova gardería (CONSTRUCCIÓN, PERSOAL, MANTEMENTO....) e , se se contruira, tería que depender da Xunta, que, casualmente (sendo o presidente, nen máis nen menos que socialista!!!) ten un plan de garderías cimentado nas GALECOLAS.... é por iso que tería que ser unha galescola (por outra banda, un perigo público, criadeiro de terroristas e homes-bomba-lapa) .

ben, non vou ir pedir seriedade a onde sei que non a hai.... cando os asuntos se levan a pleno é para ser debatidos e votados, non para retiralos porque a un grupo non lle guste que saian adiante; se a dito grupo non lle gusta que saian adiante, o que ten que facer, sinxelamente, é votar en contra.... claro que ás veces isto é un compromiso, porque un se ve na obriga de votar en contra de cousas que sabe que o pobo quere, ou en contra de puntos que pretendían propor eles máis adiante para quedar ben.... e claro, como votas en contra diso?? corres o risco da incoherencia, ou o que é peor para un partido: quedar mal!!!

chegando o final non podo perder a oportunidade de dar as gracias, gracias , gracias, (etc varias veces) ó señor Jano Leis, porque por el, e só por el, haberá un novo campo de herba artificial para o concello.... nada teñen que ver as axudas exteriores, nen que se presentaran as solicitudes para tales axudas, nen bla bla bla bla.... é gracias ós seus contactos que haberá en Teo un novo campo de herba artificial.... gracias ás súas reunións (oficiais, por suposto), que mil voltas lle dan ás reunións que o señor alcalde apunta na súa axenda e despois non fai.... gracias de novo, heroe!! como é posible que os mortais teñamos dereito a ver, tocar, escoitar a seres coma este??

'veracidade, obxectividade, claridade e transparencia'.... volvamos ós pánfilos.... imos ver!!! quen é quen de insultar de tal xeito e 'quedar tan ancho-a'?? hai máis transparencia nas miñas opinións que na 'súa información'....

está moi ben que proxecten as súas ideas e as súas opinións a través de papel escrito, pero, por favor, que non nos fagan parvos intentando vender que 'ese escrito' está libre de prexuizos e opinións e que tan só é información, veraz, transparente, OBECTIVA(!!!!!)

* lectura conxunta entre o blog de taménsomossocialistasdeteo (é dicir, dos que 'envexan a Jano' segundo as malas linguas.... non sei se os seus ollos azuis turquesa, a súa estatura titánica, a súa elocuencia demagóxica ou a súa figura grega....) e osmentirososcompulsivosvisitanopsicologo

sabedoría popular

2008-06-21T14:03:00.008+02:00

esquirol: crebafolgas

crebafolgas: persoa que traballa cando hai folga ou substitúe a outra persoa en folga

sectario: que se organiza ou procede ó xeito dunha secta. / que segue cegamente unha crenza, ideoloxía, etc., xeralmente minoritarias.

din por aí que a xente que emprega moitos refrans é inculta, porque recurre a frases do pobo chá para expresar significados que unha persoa culta pode expoñer empregando recursos máis sofisticados. recurrir con frecuencia ó refraneiro popular ven a ser coma exercitar a "política de bares".... iso é: falar a xente vulgar de temas para os que só están capacitados uns poucos....

pero mira, 'ande yo caliente, ríase la gente', así que eu voume a arriscar a seguir no bando do vulgo, nesta aventura de lembrar os grandes momentos do último pleno do concello de Teo.... e para que non se me tache de nacionalista empregarei nos "meus" refrans tanto o galego coma o español ( é que non fun a unha galescola , e desenvólvome igual de mal nun idioma que no outro.... teño que dicir -non sei en favor de quen- que non fun tampouco a ningún outro tipo de gardería.... 'a buen entendedor....' ).

como non podía ser doutro xeito, teño que comezar coa gran entrada do señor Parajó no pleno: " esta parte do tridente" .... se os plenos foran televisados, diría que pretendía aparecer nalgún zapping.... e se os plenos foran radiados, o grupo socialista de Teo non se tería que "ver na obriga" de facer público o que alí acontece (palabras doutros concelleiros, non miñas).... ou máis ben, non se tería que ver obrigado a publicar o seu punto de vista sobre o que alí acontece (intencións, que non palabras consolidadas, doutro concelleiro, e tamén miñas).... ou quizais o farían de tódolos xeitos.... xa se sabe que unha opinión nada ten que ver NUNCA cun dato meramente informativo....

chamoume a atención o comentario do 'tridente', que se non me trabuco fai referencia a unha 'ferramenta-arma' e a 'tres partes', (cadaquen que saque as súas conclusións), cando ó remate do pleno dúas das partes dese 'tridente' case reprenderon á terceira parte.... non entendín moi ben o 'xogo' .... deberase a unha especie de truco para despistar, e facer coma que non se levan entre si, e alonxar das mentes perversas coma a miña aquilo da moción da censura, ou será que realmente hai feridas abertas entre as tres puntas do tridente, quizais porque unha se sente soa ('o que chega tarde, nen oe misa nen come carne') e as outras dúas non se dan aclarado sobre que vale máis, se a cantidade ou a calidade??? (4 concelleiros valen máis que 6 concelleiros á hora de reclamar alcaldía en caso de moción de censura??) porque din que 'a unión fai a forza', pero tamén se di moito iso de 'amiguiño si, pero o porquiño polo que vale....'
o caso é , que a gaceta do psoe de Teo semella non ter pasado inadvertida.... pero iso é normal.... ningunha ensinanza deste grupo pasa inadvertida.... é máis, todas elas teñen como resultado unha mellora do mundo mundial, e 'para proba un botón': é a eles, e só a eles, que lle debemos agradecer que a capacidade de diálogo (si, lestes ben, o psoe impartindo clases de 'diálogo', non de 'monólogo') do grupo municipal aumentara.... porque só gracias a que eles veñen botando abaixo punto por punto o grupo municipal se ve na obriga de volver levar a pleno unha e outra vez os mesmos puntos (e polo tanto, a seguir falando sobre eles).

nesta ocasión foron dous puntos: garderías e pabillóns....

sobre as garderías.... como se lle pode facer entender ó vulgo que os raparigos de 0 a 3 anos son altamente influenciables en asuntos políticos?? claro, empézanselles a meter ideas nos miolos ós 3 anos e despois pasa o que pasa, que nos saen pequenos 'abertzales'.... falarlle en galego a un meniño ten un perigo espantoso.... despois pódenselle crear transtornos infantís, e vai ser despreciado polos compañeiros que falen en español, e seguramente terá menos posibilidades de conquerir un traballo que estes útimos.... a xente que vale non fala en galego, e se o fai, é en ocasións determinadas para quedar ben.... digo, para facerse entender por aqueles que 'non dan máis de si', e iso seino eu e sabémolo todos!!! é máis, vista a proxección internacional de China e a súa expansión económica polo mundo adiante, eu contrataría mestras de infantil licenciadas en filoloxía chinesa, para que os nosos meniños sexan xente de ben o día de mañá.... é moito, pero moitísimo máis preocupante o galego nas garderías que as chapas nas chaquetas dos mestres de adolescentes, eses seres tan pouco influenciables.... é máis que comprensible que os grupos da oposición se uniran aquí en prol do inglés, 'quien a buen árbol se arrima buena sombra le cobija', e o inglés ten ramas ben longas....

pero ben, mellor cambiemos de tema.... son moito máis produtivos os pabillóns.... o malo é que o grupo municipal segue na teima das taxas.... das ordenanzas.... e de onde se vai quitar xente para facer cumprir tanta ordenanza??

cando un vota en contra dun punto porque considera que está mal plantexado, e máis tarde lle volven traer ese punto correxido, o lóxico é que se absteña: volver votar en contra sería incoherente, xa que o punto se cambiou conforme ás esixencias; votar a favor sería incoherente, porque.... ben, o por que dá un pouco igual....

o importante é non ser incoherentes.... aínda que para algúns a prioridade reside máis ben niso de 'haz lo que yo diga, y no lo que yo haga' . por exemplo, non fales nas exposicións dos demais aínda que eu o faga; ou, non te levantes da mesa nas exposicións dos demais aínda que eu o faga.... esa é a vena rebelde dos socialistas de Teo, debe ser herdanza daquel espíritu do 68 ..... levantarse da mesa cando os demais falan, e, nin máis nin menos: "porque se eles o fan nós tamén" (!!!).... si señor, ese é un espíritu rebelde, o porque si, .... o espíritu que moverá ó mundo en prol da salvación humana, e non aquela outra manía de 'non porque os demais fagan o incorrecto o vou facer eu tamén'....

este dito poderíaselle aplicar a tantos aspectos.... porque non me digades que non vos resulta cando menos curioso que cada vez que algún membro do grupo do psoe de Teo solta iso de "mentireiro" (no seu defecto, algunha expresión que teña de fondo dito significado), ou "filla de puta", ou "esquirol".... sexa sempre de "buen rollito", e lle resulte extraño e ata insultante que aquela persoa á que dirixe tales calificativos se sinta agredida ou afectada.... cando eles son os máis sentidos e agraviados polas verbas dos demais....

pero volvemos 'ós temas'.... que me estou 'indo polas ramas'....

como era aquilo....? ah, si!! o asunto este de que non hai xente abondo para controlar que se cumpran as normas establecidas para o uso dos pabillóns, e que xa está ben de tanta ordenanza.... a única ordenanza realmente necesaria é unha que faga referencia á 'convivencia cidadá', que ademais, non creo que requira de moitos efectivos para poñela en práctica, e xa a teñen en moitísimos concellos de toda España (se non me credes, preguntádelle ó señor Jano Leis, que axiña tira de hemeroteca).... eu penso que esa ordenanza debería comenzar por un 'os teenses son iguais ante a Lei, sen que poida prevalecer discriminación algunha por razón de nacemento, raza, sexo, relixión, opinión ou calquera outra condición ou circunstancia persoal ou social', e seguir por un 'a bandeira española está formada por tres franxas horizontais, vermello, amarelo e vermello....'.... a que me quedou ben?? eu non sei como non se lle ocorreu a ninguén antes que a min cousa semellante.... deberíamos crear unha ordenanza chea de valores e fotocopiala, e exportala incluso.... ben, a Getafe non, que creo que xa teñen unha, e se eles a teñen debe ser porque hai que tela.... e se mañá ós de Getafe lles dá por tirarse ó Manzanares.... fixo que é o correcto e nós teremos que facer o correspondente nos nosos ríos (por sorte o que máis preto me colle a min é o das Pontes.....).

hai outros sitios cos que non sei se deberíamos compartir as nosas ordenanzas.... porque en Cataluña, por exemplo, son guais, que xa fixeron unha para Barna, pero tamén son un pouco chungos porque nas súas escolas falan catalán, e seguro que nas garderías tamén!!!

en fin, 'nunca chove a gusto de todos'....

para organizar un bo listado de que concellos son merecedores de compartir a nosa sabedoría, poderíamos contratar a un investigador privado que recorra o mapa controlando ás xentes doutros lugares.... deberíamos falar co señor Jano Leis e que nos pase o número do que traballa para el, ese que lle investiga con quen se reúne ou se deixa de reunir o señor alcalde, con quen mantén encontros oficiais, oficiosos, informais, casuais ou planeados; con quen vai de cañas, con quen bromea e con quen fala en serio.... deberíamoslle estar agradecidos ó señor Jano Leis pola labor informativa que fai ó dicirlle en público ó señor alcalde que NON se reuniu con quen di terse reunido (e outras mentiras máis....)....'díxolle a pota ó caldeiro: aparta de aí que me tiznas'..... (ó mellor gústavos máis aqueloutro de 'cre o ladrón que son todos da súa condición').

bueno, mellor vou rematando, que 'lo bueno, si breve, dos veces bueno', e eu xa me parezo máis a Jano que a lo bueno.... só dicir que a mellor parte do pleno, incluso a máis productiva, foi a de "rogos e preguntas".... xa se sabe, 'o que non chora, non mama'....

por petición popular*:

adquirir: comprar [unha cousa], converterse en dono de [algo]./ chegar a ter [unha cousa]

atender: ocuparse de [algo ou alguén]. / atende-los enfermos. / escoitar e satisface-las demandas de [un cliente]. / satisfacer [unha demanda, unha petición, etc.]. / prestar atención [a algo ou alguén]. / ter en conta ou tomar en consideración.

se mal non lembro, había unha canción que dicía algo así como.... "intelectuais, onde estades mentras morre a xente do pobo??"

*se non estiveches no pleno pode ser que non entendas esta "petición popular"; para o próximo vas e xa non tes que ler gaceta ningunha

2008-06-14T14:17:00.008+02:00

manipular: "Realizar diversas operacións ou manobras de forma oculta para alterar ou falsear [unha cousa]. /Tratar [un asunto] da maneira que máis convén ós propios intereses, sen ter en conta os dereitos dos demais./ Facer [alguén] actuar [a unha persoa] da maneira que máis lle interesa a el. SIN. manexar, mangonear (fam.) "

cabeza: "Parte superior do corpo humano, separada do tronco polo pescozo, ou superior ou anterior dos animais, onde se atopan os principais centros nerviosos e os órganos dos sentidos. / Cada animal contado nun rabaño. / Mente. / Intelixencia./ Xuízo, tino. / Cousa ou persoa máis importante entre outras. / Líder, xefe. / Parte superior de algo. / Cabeza de allo.(....) "

citar: "Comunicar a [alguén] que acuda a unha reunión, xulgado, etc., en determinado lugar e hora./ Dicir ou escribir palabras de [outra persoa, dun texto, etc.] para apoiar ou ilustra-las dun mesmo. / Acordar encontrarse [dúas ou máis persoas] nun determinado sitio e hora. "

para explica-lo primeiro parragrafo desta entrada decidín informarme sobre o significado do que ía facer: citar. como non teño especial interese en encontrarme co señor Jano Leis, nen en comunicarlle cales son ou deixan de ser as súas vindeiras reunións, o que vou facer é "escribir palabras de outra persoa, (grupo no que se inclúe JAno Leis] para apoiar ou ilustrar" as miñas propias palabras........ velaquí a cita seleccionada: "en el despacho de Martiñi no hay ni bandera española ni retrato del Rey" (e dio -repítome tanto!- un declarado antimonárquico).

últimamente estou tendo algún que outro dilema con respecto ó meu xentilicio......... voume a empadroar noutro concello, porque neste non se celebra o "Día da Constitución", esa cousa intocable, invariable, que nen se destrúe nen se transforma........ porque neste non se celebra, así que os que mandan deben estar en contra do rei, e en contra de España, e en contra da paz mundial, e a min iso de que estén en contra do rei non che me gusta nadiña........

o mundo precisa de determinadas "figuras sociais" que nos eduquen no apaixonante negocio das diferencias......... porque o que está claro, por riba de todo, é que non todos somos iguais........ nen tódalas cousas se poden considerar "boas" ou "malas" de xeito absoluto, moi pola contra, as valoracións sobre os actos das persoas baseadas na bipolaridade do ben e do mal adoitan depender, máis que do acto en si mesmo, da persoa que o comete. deste xeito unha páxina web, por exemplo, non vai ser boa-mala en función da calidade do seu deseño, da súa claridade á hora de informar, da relación resultado/custo....., senón de quen sexa o que encarga dita páxina. é así como o acto de contratar á mesma empresa deseñadora da conflictiva páxina ten a peculiaridade de ser un 'un bo acto' se quen o realiza é o Psoe (lease concello de Ames) e un 'mal acto' se quen o realiza é o Bng (lease concello de Teo); sen dúbida, os diferentes grupos movíanse por intencións diferentes ó contratar á mesma empresa: uns pretendían invertir de xeito eficaz os seus cartos, e os outros, darlle traballiño e un grupo de ideoloxía afín á súa (por certo, unha ideoloxía próxima ó comunismo antimonárquico).

esta diferencia débese á nobreza que caracteriza ó primeiro dos grupos políticos, teñamos en conta que "Segue sendo o unico partido politico que non defraudou a ninguen e segue currando pola mellora de Teo e os teenses,ese patido e o PSOE e Jano Leis a cabeza ".... iso que quede ben claro: Jano Leis, a cabeza, e máis Jano Leis á cabeza.... dubido que haxa no mundo un obxeto-persoa-lugar que adopte tantas acepcións de entre todas as que lle son posibles.... porque Jano ten esa "parte superior do corpo humano onde se atopan os principais centros nerviosos", pero ademais, el mesmo é cabeza, líder, xefe, parte superior de algo, e non se pode dicir que lle falte intelixencia, ou xuízo (ben, ó mellor quédanlle unhas acepcións mellor que outras....), e é listo coma un allo (pero non coma un dente de allo, senón como a cabeza enteira).... Leis e a cabeza....

.... vin no blog de tamensomossocialistas un comentario que poñía algo así como: 'cando Leis lava a cabeza, lávaa a conciencia'....... eu máis ben escribiría: "cando Leis lava a cabeza, lava a conciencia" (e outra cousa non, pero limpiño vese); non creo que, de decatarse do mal que lle fai ó concello a súa conciencia tan desgastada, chegase a baixa-la cabeza e disculparse cambiando,como debería, de pés a cabeza, a súa actitude en canto a político.... e todo porque se lle subiu á cabeza iso de ser importante e poderoso, aspiraba a gobernar o mundo e ós 38.000 por cabeza, non ós 38.000 a repartir.... debe ser por esa frustración cos soldos e as promesas que non puido cumprir que agora prentende cuestiona-los soldos dos que si chegaron á alcaldía....

e de recortarse ditos soldos, a onde irían para-los excedentes? porque a unha gardería non, que os veciños non a queren.... que queren un campo de futbol, e se volvemos a empregar a lóxica, que queiran un campo de futbol implica de xeito obrigatorio que non queren unha gardería, posto que son dúas instalacións e dúas actividas (educación e deporte) completamente opostas e hostís entre elas; poderían ir para cultura, a ver se se poden empezar a contratar e convidar a artistas que representen a pluralidade ideolóxica dos teenses, non sei, con tanto excedente igual poderían vir Ana Belén e Victor Manuel a amenizar os 'bailoteos' e Concha Velasco a presentar á reina das festas do San Xoán, que está ó caer.... tamén se poderían convocar máis plenos adicionais para tentar chegar a acordos se no pleno de cada mes non se acadase solución para os asuntos máis urxentes, porque habería máis cartos a repartir entre os concelleiros todos, e cobrar dúas veces sempre sabe mellor que cobrar unha (aínda que haxa que cobrar dúas veces polo mesmo traballo).... invertir nunha continua campaña electoral chea de entrevistas nas radios e televisións....

hai tantas e tantas posibilidades de atoparlle utilidade a eses cartiños!!! e se non llas atoparan no concello, que me chamen a min, que lles dou algunha idea......

coma os políticos de Teo non muden as súas actitudes, alguén vai a rematar perdendo a cabeza.

nota: as partes en laranxa están cortadas e copiadas doutros blogs

im-posto de rodaxe*

2008-05-31T13:05:00.013+02:00

boicotear: obstaculizar ou impedi-las actividades, relacións, etc., (de unha persoa, empresa, país...), como castigo ou para exercer algún tipo de presión sobre eles

non acudín ó último pleno do concello de Teo por motivos de traballo, pero estiven lendo algunha prensa (si, xa sei que son os malos e que non lles debería facer moito caso, que só din mentiras, pero unha é así de parva......) e algúns comentarios sobre o que aconteceu en dito pleno co asfaltado si-asfaltado non.

o señor Jano Leis debe estar empapado de América, porque non fai máis que empregar os recursos dos políticos de EEUU (e non me refiro ó seu egocentrismo dobre e maiúsculo, que tamén podería ser), introducidos en España por aqueles que se adican á polítca a nivel de Estado...... debe ser por iso que trata de convencer á xente do que quere e do que non quere: habería que lembrarlle (outra vez) que esa NON é a función do político; a función do político é darlle á xente aquilo que quere e sabe que os beneficia........ e tampouco me refiro a unha casa con piscina en Cancún e un barco de recreo privado, senón a cousas como escolas, instalacións públicas ou estradas....... se pode ser, asfaltadas como é debido..... pero se pode ser, eh?

xa teño máis que asumido que este señor ten un obxectivo na vida que está baseado únicamente no benestar persoal; un obxectivo que todos debéramos perseguir dende a nosa calidade de persoas. o malo é que el o está a facer dende a súa posición de político, e a costa dos demais. o señor Jano Leis non debe entender, sendo tan intelectual como é, tan moralmente correcto como é, qué quere dicir iso de que "as liberdades dun rematan onde comezan os dereitos doutros"...... pero iste, repito, téñoo asumido.

o que non teño aínda asumido é que unha única persoa, sen ser deus (sinto dicirllo de novo: señor Leis, vostede non é ningún deus) sexa capaz de dirixir os pensamentos e os actos de todo un grupo. é que dentro do grupo socalista de Teo non hai nen sequera unha persoa que se atreva a quita-la venda dos ollos?? non hai ningunha persoa con capacidade crítica?? nen unha soa que vexa as intencións de Jano Leis??? agardade un momento........ que ó mellor estou a facer as preguntas equivocadas: é que no grupo socialista de Teo non hai nen unha soa persoa posuidora desa calidade moral á que tanto recurre o seu "lider" (só porque está á cabeza dun grupo)?? ningunha que se atreva a ACTUAR en favor do grupo (do socialista, si, pero sobre todo do pobo), a tomar partido?? é que TODOS están metidos na política municipal pasa sacar tallada ?? ningún membro do ACTUAL grupo socialista de Teo está metido na política municipal para tirar do concello para adiante??

teñen máis independencia intelectual os membros dos grupos de dereitas que un chamado (non sei por que) 'de esquerdas'?? porque neste pleno, os que tiveron que demostrar que a responsabilidade individual (por riba do fanatismo -porque o que acontece no grupo socialista de Teo xa non é convencemento-) existe foron xentes de dereitas..........

o mundo anda perdido....... sécanse os pozos en decembro, chove todo o verán, andamos con abrigo de lá en maio........ é normal que a 'esquerda' antepoña os intereses duns poucos (neste caso eles mesmos: léase interés non como 'gañar as vindeiras eleccións', senón como 'que o outro perda as vindeiras eleccións') ós da maioría de cidadáns....

menos mal que quedaba no outro lado algo de sentido común.......

pero que non se preocupen na dereita porque vexan a membros do seu equipo exercer pensando no pobo, que as súas artes non han caer no esquecemento.... para iso están os que lucen palabras coma democracia cada dúas verbas, os que se cren amos únicos de toda moral aínda estando carentes de ética nos seus actos diarios; xa os socialistas de Teo lles tomaron o relevo nas súas fazañas....... nas súas artimañas para mercar á xente, para achegarse á árbore que máis sombra dá no intre que máis sombra dá ó tempo que comeza a golpear coa machada; no seu xogo sucio cheo de calumnias contra todo aquel que non se venda ou que sexa crítico; nas súas actitudes caciquís; na súa manipulación capaz de transformar unha rotonda nunha arma de guerra e ós manifestantes potenciais en proxectís.......

menos mal que en Jano Leis aínda pervivía o espíritu do 68!!!! debe ser por iso que permite que no blog que o defende aparezan insultos e mentiras que ataquen a calquera persoa que non o adule: calquera que traballe no concello de Teo e non sexa marioneta do señor Jano Leis corre o risco de converterse no próximo branco para os tiros dos sectarios, tamén calquera familiar das anteriores persoas; e sen ningunha dúbida, é o seu aínda presente espíritu do 68 o que o converte nun gran orador capaz de converter un zafio e pobre pleno municipal nunha dinámica e instructiva charla, porque só aquel (coma el) que está no poder da verdade absoluta, só aquel (coma el) que roza a perfección da moral é quen de converter un vulgar pleno municipal nun mitín de campaña electoral.......

no lado esquerdo do salón de plenos do concellos de Teo, onde estaba a bandeira de España a última vez que acudín a un pleno, hai un cheiro a 'eau de dereitas' que indica como algúns personaxes manteñen, de xeito inevitable, máis vivas as ensinanzas dunha familia diestra que o aprendido nos seus desexos de xuventude 'rebelde'.

o psoe de Teo xa demostrou empíricamente que o mellor para poder ir tirando aínda que un o faga mal é rodearse de xente que o necesite a un moito moito moitísimo, así sempre o apoiaran a un, porque é o que lles queda, non teñen saída..... bueno, si, hai unha saída, pero ten que ver máis coa consciencia e o bo durmir que co "sacar tallada", así que, non adoita poñerse en práctica.....

queda nas mans dos cidadáns demostrar que non todo vale, nen sequera en política.

*rodaxe: acción de rodar un filme./ período inicial de funcionamento dun motor, máquina ou instalación industrial, durante o cal se produce o asentamento e pleno axuste das súas pezas. (nota: interprétese o título coa acepción que se prefira; se non se acada significación para dito termo neste contexto con ningunha das acepcións, abandóese a páxina de contado).

crónicas compartidas

2008-05-02T20:26:00.010+02:00

orde: organización, disposición das cousas ou persoas no lugar que lles convén.

(en azul: afirmacións do blog dos socialistas de Teo)

"DAS 12 PROPOSTAS A DEBATE NO PLENO, 6 ERAN INICIATIVAS SOCIALISTAS QUE FORON APROBADAS, UNHA DE INTEO (tamén aprobada) E OUTRAS 5 DO GOBERNO, DAS CALES 3 FORON REXEITADAS AO NEGARSE AQUÉL A RETIRALAS, COMO LLE PEDÍU A OPOSICIÓN, PARA MELLORALAS E CONSENSUALAS."

os temas que presenta o psoe de teo son de tan transcendental importancia que xa foran presentados polo bng en plenos anteriores, pero rexeitados en pleno coa axuda do voto do psoe, ben pola súa abstención, ben polo seu voto en contra.......

seica Jano (si, Jano, o grupo socialista de Teo non son catro que o seguen coma a un mesías, son outra xente que non ten voz en Teo gracias a ese señor) quere levar os méritos das cousas que saen adiante........ presentándoas en pleno despois de ter votado en contra delas, coma que son cousas súas: a maioría do que levan a pleno son asuntos regularizados con anterioridade (deben querer confirmalos), asuntos que andan en trámites burocráticos a un nivel que xa non depende do concello (léase: ASPAMITE), ou asuntos nos que con anterioridade votaron en contra.
deste xeito pódense permitir agora o luxo de afirmar cousas coma a seguinte: "MARTIÑO NORIEGA E O SEU GRUPO DE GOBERNO NON APOIARON A PROPOSTA SOCIALISTA DE ELABORACIÓN DO PROXECTO TÉCNICO INTEGRAL DA ESTRADA MILLADOIRO-PONTEVEA" asi de claro o digo: DEMAGOXIA, están a falar dunha estrada cuxo proxecto rexeitaron os do PSOE hai NADA, NADA.......

cada vez teño máis claro que estes tipos-tipas pensan que os teenses somos parvos...... ou queren convertirnos en parvos.

"O GOBERNO NEGOUSE A CONSENSUAR COS AXENTES SOCIAIS (caso do Regulamento das Escolas Infantís coas ANPAS) E COS PARTIDOS POLÍTICOS E REXEITOU AS PETICIÓNS DA OPOSICIÓN DE RETIRADA DALGUNHA DAS SUAS PROPOSTAS DIANTE DAS ENORMES LAGOAS E CONTRADICCIÓN QUE PRESENTABAN. " : MENTIRA ; a AMPA dos Tilos redactou un proxecto con modificacións á proposta do goberno, pero só lle entregou dito proxecto ós seguintes grupos políticos: PSOE, PP, INTeo......... oh!, casualidade! os únicos que non recibiron dito documento foron os do BNG; se é certo que se negaron a consensuar coas ANPAS, como é que a prosposta presentada en pleno xa incluía as modificacións feitas a partir das aportacións da ANPA de Calo???

as lagoas e as contradiccións son o prato forte do PSOE, que pasan de dicir que non hai tempo material para ler as propostas antes da comisión a dicir que eles traballaron as propostas e incluso(!!!!) fixeron anotacións (a man!!! con bolígrafo!!!!!!), e logo a dicir que non as presentaron porque non lles pareceu oportuno, e logo, a reiterar que non se lles dou a oportunidade de opinar. por favor, se hai alguén que crea que todas estas afirmacións poden sair da mesma boca en menos de 4 minutos sen cargar a dita boca de incoherencia, que me mande un médico da cabeza, que van ter razón eses "socialistas de dereitas" niso de que preciso un

pódenos gustar máis, pódenos gustar menos, pero ese é todo o "socialismo" que hai en Teo agora mesmo:

"* Regulamento de utilización de instalacións deportivas e culturais:
Oposición pide a retirada pola gran cantidade de contradiccións e eivas que presentaba o documento. Goberno municipal se nega sen dar razóns. Proposta rexeitada polos votos en contra de toda a oposición.
a oposición pide retirada para ter a oportunidade de presentalo eles nun vindeiro pleno e, co consentimento do señor Armando Blanco, sacar o punto adiante. o goberno deu como explicación que NON HAI NINGUN TIPO DE REGULAMENTO para as instalacións deportivas e que debería habelo para mellorar a organización do seu uso (algo estrañísimo que non se da en case ningunha parte do mundo, creo que só nunha tribu da amazonia central, polo que teño escoitado): un exemplo, un tipiño de Santiago quere utilizar o pabellón de Calo o sábado que ven de cinco a sete, e a Asociación de Teenses pola Igualdade quere utilizar o pabellón de Calo o vindeiro sábado de cinco a sete e media; que se fai? hai prioridades, non hai?? en iso consiste o regulamento, sen máis, en establecer unha orde para as cousas.

"* Regulamento das escolas infantís municipais:
Texto presentado tamén sen consensuar previamente nin coas ANPAS nin cos grupos políticos. Petición de retirada da oposición negada polo goberno municipal. Proposta rexeitada." consensuouse coas ANPAS, coas que quixeron consensuar: hai parte das ANPAS que prefiren agardar a que haxa outros no goberno para facer as cousas a tempo (que non ben, facelas ben implica cambiar demasiadas cousas das que lles deixaban facer antes), así que non lles presentan as súas aportacións ó goberno, senón só á oposición.

"* Regulamento municipal de publicidade exterior:
Malia as críticas da oposición, aprobada cos votos de BNG+PSOE+INTEO e a abstención do PP" as críticas da oposición (que non é criticar por criticar, eh? foron críticas constructivas) foron as seguintes: 'esto...... antes de facer un regulamento, haino que falar coas empresas anunciantes'; é dicir, non se lle vai dicir ós señores donos da empresa publicitada en cuestión, que prantaron tremendo cartel no medio da estrada: 'aí non pode ir', senon que lles hai que dicir, 'a ver........ esto......... eu non quero molestalos, pero que lles parece se falamos sobre o cartel? non cren que quedaría mellor en tonos azulóns?' (debín de decir 'gualda', que agora vou quedar de nacionalista-terrorista-antidemocrática). que é iso de establecer unhas normas mínimas de convivencia? vaia falta de respeto polos que as queren incumplir?

"* Regulamento e modificación da Ordenanza fiscal da taxa por entrada de vehículos e reserva da vía pública para carga e descarga: Aprobada cos votos do BNG e a abstención da oposición" aquí abstuvéronse porque resulta que o goberno actual é culpable de que ata o de agora non se viñera cobrando esa taxa e de que non haxa grúa para exerce-la retirada dos vehículos, feito sen o cal non se debería cobrar taxa ningunha: servizo-taxa; non servizo-non taxa.... está claro que a lóxica é subxectiva: hai quen a ten, e hai quen non a ten.

"* Ordenanza fiscal reguladora da taxa de utilización de instalacións deportivas e culturais:
Rexeitada cos votos en contra da oposición." léase o punto primeiro, porque o rexeitaron coa mesma lóxica (ou falta de): este punto xa o sacaremos nós máis adiante para gañarnos ós veciños de Teo que queren utilizar as instalacións deportivas do concello e non o poden facer porque hai xente de fóra do concello disfrutándoas. como non lles chega o tempo que hai para consensuar e aportar ideas e cambios (4 días para unha única dedicación exclusiva!!! ) hai que retirar os puntos da orde do día!!

2.- SEIS PROPOSTAS PRESENTADAS POLO GRUPO SOCIALISTA:
Todas aprobadas por unanimidade, excepto a do Proxecto Técnico da estrada Milladoiro-Pontevea que non contou co apoio do Goberno Municipal do BNG. (o psoe de teo rexeitou que ese proxecto saise adiante nun pleno anterior, e agora as obras xa están empezadas)
* Elaboración do inventario de bens e dereitos do concello de Teo
* Creación e posta en marcha do Consello Escolar Municipal.
* Clasificación como dotacional público de fincas municipais de Rarís e Oza.
* Construcción do cemiterio municipal.
* Elaboración do Proxecto Técnico integral da estrada Milladoiro-Pontevea.
* Cesión de parcela a ASPAMITE.(en marcha, cos implicados informados dos pasos que se deron para conquerir a cesión, pero....... a que quedaron ben facendo crer que iso non funcionaría se non fose porque eles levaron o asunto a pleno?)

(como aínda non hai un regulamento que me obrigue a facelo doutro xeito, as propostas do Psoe publicítoas co tamaño de letra que a min me da a gana, pasa algo?)

3.- UNHA PROPOSTA DE INTEO: (tamén aprobada por unanimidade).
* petición á Deputación Provincial de arranxo de beirarrúas na Casalonga-Calo.

petición para a cal o grupo socialistas de Teo se encargou de levar documentación gráfica (vulgarmente, fotos)

ah, e o da estrada, asunto en contra do cal votou o psoe nun pleno anterior....... xa o dixen? non sei, por se non o dixera: o asunto da estrada, que o psoe rexeitara nun pleno anterior e agora, coas obras xa empezadas, presentou neste, para levarse méritos-alleos-non materializados!!! (é que teño mala memoria, pero que conste que eu non quero repetir tanto as cousas que me interesa salientar, eh??? eu adoito ser clara e concisa e breve e........ pero por se non o dixera antes, queda dito aquí.

ACCIÓN DO GOBERNO!!
En varios momentos do Pleno, Martiño Noriega reprendíu á oposición, e sobre de todo á oposición socialista, por facer oposición. Chegou a falar de que "se sentía agredido" e a acusar aos socialistas de "deslealdade". E todo simplemente porque o Grupo Socialista lle presentou 6 mocións e porque lle puxo reparos (con razóns fundadadas) ás suas propostas de taxas e regulamentos. para víctimas os pobres socialistas, que tiveron que recurrir en varias ocasións a mamá Sandra para que lle berrase ó neno malo do cole que se estaba a rir deles......... meus pobres, eles tan bos, con tan boas intencións nesas muecas e xestos de 'Xa vai a falar este e a dar a sua opinión....', empregando o sarcasmo só de xeito constructivo ó referirse 'ó goberno das ordenanzas', eles que só empregan e expoñen as conversas privadas para lembrarlles ós do goberno que acordaran que non se ían insultar nen faltar ó respeto mentras lle chaman mentireiro ó alcalde, eles que só traballan polo ben de Teo.... (estoume pasando??? porque se me estou pasando, parádeme).

en canto ó dos símbolos, xa sabía eu que o ían empregar como un : 'critican a Jano por falar a destempo das bandeiras= non queren bandeiras= son nacionalistas= son asasinos= son stalinistas= son negros do congo fixo!' (con tódolos meus respectos para os negros do Congo que non teñen culpa de nada)

mira ti por onde!!! o único que se criticou foi o feito de que un señor tente obrigar á cidadanía a pensar que o alcalde non quere as bandeiras no seu despacho; en ningún momento se criticou o feito de que as bandeiras estiveran alí, nen sequera creo que sexa un tema de interese para un pleno no concello de Teo........ non hai máis cego que o que non quere ver............ e neste caso, Jano Leis e a súa banda poderíanse ver reflexados na "parábola de cegos", de Pieter Brueghel, onde un cego vai guiando a outros cegos (eles, que tanto gostan das parábolas....)

acontece que cada membro dun grupo de traidores corre un perigo: ten máis posibilidades de ser traizoado

traizón: falta que comete unha persoa contra outra que tiña a súa confianza posta nela

ordenanza do chikichiki

2008-05-01T00:24:00.039+02:00

teatro: arte de representar en público obras dramáticas, xeralmente por uns actores que actúan no escenario

ficción: feito imaxinario, invención fabulosa

[facendo un inciso no texto, e deixando de lado durante unhas líneas os termos dos diccionarios, os meus parabens ó grupo socialista de Teo (deixo de lado aquí a retranca tamén, paréceme un paso a salientar por parte deste grupo), por recuperar ó seu portavoz; se ben isto aconteceu só nuns puntos, e baixo "supervisión" continua do apuntador, o señor Carlos Rego defendeu a postura do grupo socialista de Teo en diferentes propostas (labor que compartiu coa compañeira de partido), algo que me parece non só enriquecedor para o pleno, senón positivo para calquera partido político, que debera distribuir pesos na vez de acumular nunha figura (en todo caso, perecedoira) todo o seu valor]

volvendo ó tema...... eu non che son moi de 'política de verdade', máis ben dáseme a política de taberna, algo que xa teredes notado...... debe ser por ese toque de fantasía que lle falta á política..... tan realista, tan cos-pés-na terra, tan formal...... eu sonche máis de ficción, do toque irreal que che da pé a imaxinar...... ás veces ata surrealista.......... por iso non entendín moi ben a primeirísima intervención do señor Jano Leis (tan seria, tan formal, tan tan tan.....nada que ver co tema que se trataba..... perdón, nada que ver con ningún dos temas que se trataban); esta primeira intervención foi unha petición ó señor alcalde: que no vindeiro pleno tanto a fotografía do rei coma as bandeiras oficiais ocupen 'o seu lugar'........ lugar que non debe ser a parede na que están, senón a parede da esquerda do señor Leis (pensábades que á súa esquerda xa non había nada máis, eh?? pois, si, á esquerda do psoe de Teo está o rei -será delito escribi-lo con minúscula?-), é dicir, enriba das cabezas dos membros do equipo de goberno....... supoño que ó señor Jano Leis (seica antimonárquico declarado, non sei se convencido) lle parecerá que ó equipo do goberno lle resulte humillante estar ós pés do rei....... alomenos espero que tal proposta albergue unha intención semellante: non entendería, por parte dunha persoa intelixente, unha proposta carente de sentido e sobre todo, de utilidade......... e máis tendo en conta que as aportacións do grupo socialista ós plenos rebordan carácter constructivo: a ver, se se vai establecer un regulamento sobre a colocación de carteis e vallas publicitarias, o 'normal' é falar coas empresas implicadas (é como a lei esa, a de que é delito roubar, deberíase acordar cos principais implicados: xuntanza de ladróns, e a ver a partir de que mínimo se pode roubar..... e respeta-lo patrimonio artístico polo menos.....); ou levar a pleno asuntos legalizados na semana anterior; ou levar ó pleno asuntos nos que se votou en contra nun pleno anterior......

e todo isto gracias a un magnífico traballo en equipo, que despois téñense que queixar de que leva os méritos todos o señor Jano Leis...... meu pobre, se case nen se nota que está!!

seica o 'sistema plenario' do concello de Teo funciona así: preséntanselle ós diferentes grupos políticos os puntos que se tratarán no vindeiro pleno catro días antes da comisión informativa; ven a comisión informativa, mometo no que se han de facer as aportacións/cambios pertinentes; tódolos grupos calan; chega o pleno e tódolos grupos se queixan de que non se lles deixou facer aportacións......

seica algúns decidiron que o sistema plenario sexa así: preséntaselle ós grupos políticos os puntos do próximo pleno; faise a comisión informativa.... por xuntarse cos amigos; non se fan aportacións nesa comisión informativa; unha vez chegada a prospota (sen modificar) a pleno, ocórreselles como enmenda retirar o punto da orde do día para consensuala cos grupos políticos......... estes o que queren é volver ter xuntanza de amigos!!!

é coma cando me reúno cun par de amigos para mercarlle un agasallo a un cuarto que está de cumpreanos: quedamos nun bar, pidimos unhas tapas e empezamos a falar.... como todos falamos pouco, uns temas lévannos a outros (política de taberna) e pechan as tendas antes de que saiamos do bar; quedamos outro día, e repetimos operación...... chega o cumpreanos e nós sen agasallo: está claro que a única solución posible e coherente é que o noso amigo naza outro día.

tanto falar de política, tanto falar de política e onde está o chikichiki do título, diredes, e non vos faltará razón ó preguntar: a resposta non está no vento, senón nas contradiccións do partido socialista de Teo, a saber (como se baila el chikichiki?):

UNO: non teño tempo de estudiar as propostas antes das comisións (de luns a xoves, tendo en conta que ningún partido da oposición ten dedicación exclusiva algunha........ espera, espera..... tiñan ou non?)

DOS: como somos superheroes traballamos igual a proposta, incluso subliñamos e facemos anotacións

TRES: non presentamos esas anotacións-modificacións na comisión informativa (porque tomamos esa decisión, non porque nolo impediran dende o grupo de goberno)

CUATRO: queixámonos por non ter podido presentar modificacións á proposta na comisión (despois de tomar a decisión de non presentalas)

berrea, berrea........

(teño que depurar a letra, creo que hai un par de frases que non riman, pero o fondo cóllese, non?)

logo non me estraña que cando non votan en contra se absteñan, con razón se non lles deixan participar das propostas!!!! ademais, son educados e explican os seus votos: 'nós non estamos en desacordo co 'asunto este'.......' faltoulles engadir: só con quen o propón'..... ou algo así..... as cousas claras, e o chiculate espeso (ben espesiño, con churros, mellor).

e tampouco me estraña que sexa o partido socialista de Teo o que teña que levar a pleno os asuntos importantes despois de que os do bng os obligaran a votar en contra deses mesmos asuntos en plenos anteriores; e queixaranse os nacionalistas eses de que é o grupo socialista o que leva os méritos, cando estes só traballan como traballan e actúan como actúan única e exclusivamente polo ben do pobo, que as medallas só lles gustan na chaqueta do rei.

teño que confesar que a tanta formalidade non lle faltou o toque de misterio........ esa maxia que sempre fai falla, aínda que sexamos maiores (ou sobre todo se somos maiores).... só así se explica que tódolos grupos da oposición recibiran un documento da asociación de pais dos meniños da gardería dos Tilos con suxerencias de modificacións para unha proposta do goberno, e que, precisamente o goberno, nin soubera da existencia de tal documento. pero ben, a min tamén me resultaría moito máis doado atopar a oficina de Parajó, de Armando ou de Leis que o rexistro do concello, que estas instalacións municipais son bastante laberínticas.........

e para ilusións, as do anterior alcalde, o señor Armando Blanco, que pretende que nun ano se roube para o concello o que 'eles' lle roubaron ó concello en doce........ iso si que é ter confianza nas capacidades do grupo de goberno!!!!

segue coa súa faceta 'dadivosa' reclamando o non-establecemento/adecuación/regulación de taxas polos servizos prestados........ e razón non lle falta, porque, para que cobrarlle ós veciños por uns servizos se é moito máis cómodo non cobrarlles e non presta-los servizos, ou cobrarlle só a uns poucos......... 'para muestra un botón': co goberno anterior, na miña aldea só dúas casas pagaban pola recollida do lixo: causa-motivo-razón?? pois que só a esas dúas casas se lles pasaba o recibo da auga (aínda que as outras tamén estiveran enganchadas á 'auga da traída'....... daquela maneira.....), e claro, como ía todo no mesmo recibo, non se ía facer un recibo a parte para toooooooooodos aqueles veciños que non pagaban a auga no que só constasen os gastos do lixo, non??? lóxica pura e dura. e se daquela o lixo se recollía pagando só na miña casa e na da prima de miña nai, por que agora han de pagar todos se a merda é a mesma?? lóxica pura e dura.

esta postura encaixa moi ben con esa outra de non establecer ningún tipo de regulamento para o uso das infraestructuras do concello, ó que se lle engade (tamén por lóxica) o abandono da proposta de taxas para o mesmo (o mesmo= o uso das infraestructuras do concello).

pero imos ver: que mal ten que veñan os de Santiago a usar o polideportivo de Calo (un supoñer) sen nengún tipo de norma nen prezo de aluguer e que os teenses non teñan ningunha prioridade nese uso das instalacións?? acaso non temos un goberno comunista, e acaso o pobo non somos todos, picheleiros incluídos?? acaso non mellora as nosas relacións sociais convidar ós veciños santiagueses a un 'trago' que no seu concello lle cobran?? non vai ser un enriquecemento para os aldeans de Calo que veñan os de Santiago a instruirnos no uso de instalacións deportivas??? é máis: deberíamoslles pagar por vir dende tan lonxe a agasallarnos coa súa presencia, que é iso de cobrarlles???

estes do bng que queren cobrar por todo, carallo!!

pero tranquilos no goberno, que a proposta non saiu adiante, pero ha de sair dentro de dous plenos, cando a presente o partido socialista de Teo como súa.

vou ir baixando o telón...... cunha petición para algún dos lectores, quen sexa: como por motivos de traballo non poderei asistir ós vindeiros plenos, por favor, alguén lle pode levar unha moeda de 25 pesetas (distínguense mellor a cara e a cruz) a cada concelleiro, para que decidan se votan a favor ou en contra das propostas??? é que resulta ata incómodo (para eles sobre todo -imaxino-) que cando se piden os votos (a favor, en contra ou abstención) os membros dos distintos grupos da oposición levanten a man a destempo e con timidez, coma mirando a ver que fai o do lado, semella que non moi convencidos de nada..... 'eu si', 'non, eu era que non', 'ai, a ver, que estábamos votando?'....... sobre todo é unha perda de tempo ter que volver pedir o voto para que se aclaren....... así duran os plenos ata as doce da noite.....

moitas gracias

pd. (1): perdón por tardar tanto en publicar o comentario sobre o pleno, é que, como ben saben os habitantes de Teo, non teño unha dedicación exclusiva e non me deu tempo de atender os meus asuntos e rematar este texto con anterioridade: as miñas máis sentidas disculpas.

pd. (2): este texto foi escrito íntegramente sen mueca nen expresión algunha na cara de quen o escribía.

pd.(3): se alguén me chama "puta", deberíame sentir agredida?? a ver se me estou ofendendo por nada!

mentira

2008-04-27T13:29:00.009+02:00

mentira: "manifestación contraria a lo que se sabe, se cree o se piensa"
mentira oficiosa: "la que se dice con el fin de servir o agradar a alguien"
mentira: "aquilo que unha persoa presenta como verdadeiro sabendo que é falso"

comezarei os meus textos acudindo a eses libros que se supón din verdades, alomenos verdades establecidas por unha maioría 'experta no seu tema', non con intención de transformar as miñas opinións carentes de validez por tratarse de política de taberna en ideais a ter como referente, senón como recurso para empuxar ó meu lerdo e zafio intelecto á aventura da escritura.

unha persoa deberá falar sempre no seu nome, e no dun grupo cando este lle da permiso; unha persoa pode falar en contra dunha parte dun grupo do que se sinte compoñente cando considera que as palabras e/ou actos dese grupo son erróneos, contraproducentes e opostos ós ideais do grupo; se deste feito sae beneficiado un novo grupo, a culpa última non debe recaer en quen vendo un erro de actuación no primeiro grupo o fai público, senón en quen, cometendo un erro, e sobre todo, sendo consciente do erro cometido, en vez de rectificar, intensifica as consecuencias dos seus actos.

unha persoa non debe pedir explicacións nen demostracións de verdade a outra cando non pode xustificarse a si mesmo.

unha persoa pode non entrar en internet e ser coñecedora dos seus contidos 'a tope' (y supermegaguai): a través da lingua falada (para o que é preciso manter conversas), a través do papel impreso (para o que é preciso coñecer o funcionamento dun aparello vulgarmente chamado 'impresora')....; unha persoa (ou grupo de persoas) que afirma que un canteiro está capacitado para ser concelleiro (que o pode estar) non pode ser igual de contundente ó insinuar que unha dependeta de supermercado non está capacitada para escribir un texto sen axuda nen plaxio...... perdón, pode facelo, pero estará poñendo en evidencia a súa falta de criterio e a súa escasa credibilidade.

o tipo de mensaxes que EU (dende logo non me vou facer responsable das palabras de outr@s), e de xeito NON SISTEMÁTICO, enviei ó blog dos "socialistas" de Teo non contiñan nen unha soa palabra insultante, pero si facían referencia á actitude do partido despois das eleccións e a asuntos coma a necesidade de proporcionarlle un soldo a unha concelleira á que antes das eleccións se convencera de que mercara unha casa, necesidades que obrigan a un partido a actuar dun ou doutro xeito en función de corresponder ás promesas pre-electorais para coas as víctimas do sistema caciquil ; a MIÑA intención nunca foi a de facer pechar ningún blog, senón a de facer posible outras opinións dentro do mesmo, así coma o coñecemento de determinados datos que, lonxe de ser persoais, inflúen na política do concello.

pola miña parte descoñezo quen é o "amigo de Cacheiras", pero convídoo a que cree un seu espacio, ou deixe o anonimato, e participe deste blog; si sei, por outro lado, a condición política do creador dese blog "ilexítemo", que non son eu, que non é ese "amigo de Cacheiras".

sobre as verdades e mentiras "do pino": se non se seguiu adiante coa moción de censura, por exemplo, foi porque na "rúa do pino" están agardando unha nova "gran acción" do divino Jano; pódese crer ou non; pódese saber que é certo e pretender ocultalo (léase as definicións de 'mentira' máis arriba)...... como se pode ou non crer que no primeiro pleno no que o señor Jano pretendeu aparentar unha nova actitude, na que volveu ó tema do pacto coma se de verdade lle interesara chegar a el, estaba presente "alguén" da "rúa do pino".

na rúa do pino saben quen é o autor dese blog "ilexítimo", créase ou non se crea.
no blog "ilexítimo" teñen intervido (polo que eu sei) xente do psoe e xente do bng e xente de ningún dos dous apoiando a marcha de Jano Leis do partido socialista de Teo.

fálase de dictadura por uns comentarios que dicían algo de "calar ós socialistas" (fai falla apuntar que non estou de acordo con ese comentario?) ó mesmo tempo que se escribe o seguinte: PECHADE O VOSO ILEXÍTIMO, CALUMNIADOR E INFAME BLOG (todo berrando, claro, toooooodo o comentario berrando).

dende logo, deberíanse empezar a quitar máscaras; en vista dos innumerables anónimos, quen vai a empezar??

o peor da mentira non é que se falte á verdade, senón ese aspecto que se salienta nas definicións e que alude ó coñecemento da verdade por parte de quen constrúe a mentira, de quen a di, é dicir, o peor da mentira e a con(s)ciencia que o mentiroso ten sobre a verdade que está a ocultar.